मराठी सिनेसृष्टीतील एक एव्हरीग्रीन जोडी म्हणजे अभिनेत्री ऐश्वर्या नारकर आणि अभिनेते अविनाश नारकर. गेली अनेक वर्ष ही जोडी त्यांच्या अभिनयाने प्रेक्षकांचे मनोरंजन करत आहे. तसेच त्यांच्या कामाबरोबर ही जोडी सोशल मीडियावरदेखील तितकीच लोकप्रिय आहे. ही जोडी सोशल मीडियावरील अनेक ट्रेंडिंग रील व्हिडीओ शेअर करत असतात आणि त्यांच्या या व्हिडीओला चाहतेदेखील तुफान प्रतिसाद देत असतात. (Aishwarya Narkar On Instagram)
नारकर जोडीला त्यांच्या व्हिडीओवरुन अनेकदा ट्रोलिंगचाही सामना करावा लागला आहे. त्यांनी शेअर केलेल्या एखाद्या व्हिडीओला काही चाहते प्रतिसाद देतात, मात्र काही नेटकरी त्यांना ट्रॉलदेखील करतात. यावर अभिनेत्री ऐश्वर्या नारकर यांनी कित्येकदा भाष्य करत ट्रोलर्सला सडेतोड उत्तरे दिली आहेत. अशातच या जोडीने नुकताच त्यांचा एक रोमँटिक व्हिडीओ शेअर केला असून सोशल मीडियावर हा व्हिडीओ सध्या चांगलाच गाजत आहे.
ऐश्वर्याने नुकताच त्यांच्या इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये ते दोघे सूर्यास्ताकडे बघत एकमेकांशी छान संवाद साधताना दिसत आहेत. यावेळी अविनाश हे काही खास गंमत करतानादेखील पाहायला मिळत आहे. या व्हिडीओमध्ये ऐश्वर्या यांनी सोनेरी रंगाची नक्षीकाम असलेली पांढऱ्या रंगाची साडी परिधान केली असून त्यावर साजेसा काळ्या रंगाचा ब्लाऊजदेखील परिधान केला आहे. तर अविनाश यांनी मेहेंदी रंगाचा कुर्ता व पांढऱ्या रंगाचा पायजमा परिधान केला आहे.
आणखी वाचा – “माझं पुढील आयुष्य…”, आईच्या निधनानंतर पहिल्यांदाच तेजश्री प्रधानची भावुक पोस्ट, म्हणाली, “तू सर्व काही…”
ऐश्वर्या यांनी “फक्त प्रेम” असं म्हणत हा खास व्हिडीओ शेअर केला आहे. या व्हिडीओमध्ये दोघांचं एकमेकांवर असणारे निखळ प्रेम पाहायला मिळत आहे. त्याचबरोबर या व्हिडीओमधून त्यांचा खास रोमॅंटिक अंदाजही पाहायला मिळत आहे. “तुम्ही दोघे किती गोड आहात, खूपच सुंदर जोडी, तुम्हा दोघांना कुणाची नजर लागू नये, असेच कायम आनंदी व हसत राहा” अशा अनेक कमेंट्स करत त्यांच्या या व्हिडीओचे कौतुक केले आहे. त्याचबरोबर लाईक्स व कमेंट्सद्वारे या व्हिडीओला नेटकऱ्यांनी चांगलीच पसंती दर्शवली आहे.