Bigg Boss Marathi 6: ‘बिग बॉस मराठी ६’ चा पहिल्या आठवड्याचा भाऊचा धक्का पार पडणार आहे, तसेच या पर्वात ‘बिग बॉस’च्या घरातील काही सदस्यांनी पहिल्याच आठवड्यात धुमाकूळ घालताना पाहायला मिळालं. तन्वी कोलतेची शाळा घेतल्यानंतर रितेश देशमुख आता रुचिता जामदारची शाळा घेणार असल्याचं पाहायला मिळणार आहे. ‘बिग बॉस’ मराठीच्या पहिल्याच आठवड्यात प्रेक्षकांना खूप ड्रामा पाहायला मिळाला. काही सदस्यांनी पहिल्याच आठवड्यात बिग बॉस’च्या घरात धुमाकूळ घातला. त्यापैकी एक म्हणजे रुचिता जामदार.
आणखी वाचा: पहिल्याच आठवड्यात रितेश देशमुखने घेतली तन्वीची शाळा; म्हणाला,”जिभेचा ब्रेक फेल झालाय…”
तर नुकत्याच समोर आलेल्या प्रोमोमध्ये रितेश देशमुख रुचितावर जबरदस्त टीका करताना पाहायला मिळत आहे. समोर आलेल्या प्रोमोमध्ये रितेश देशमुख रुचिताला म्हणाला, “रुचिता जामदार तुम्ही काय म्हणता? मी वाघीण आहे वाघीण. अहो पण महाराष्ट्राने पहिल्यांदाच स्वत:ला पंजा मारणारी वाघीण पाहिली. महाराष्ट्राला वाटलं होतं तुम्ही या घराचा Voice व्हाल. पण, सध्याच्या स्थितीत तुम्ही फक्त Noise झाला आहात.” तर रितेशचं बोलणं ऐकून रुचिता प्रचंड निराश झालेली पाहायला मिळाली. (Bigg Boss Marathi 6)
रुचिताला पॉवर की देण्यास कारण सोनावणे नकार देतो. त्यामुळे रुचिताने घरात प्रचंड ड्रामा केला. करणने चावी देण्यास ठाम नकार दिला त्यानंतर रुचिता घरातील बाल्कनीमध्ये जोरजोरात ओरडताना दिसली. यावेळी तिने अपशब्द देखील वापरले. याचबरोबर सोनालीला सुद्धा ती बरंच काही बोलताना पाहायला मिळाली.
तरीही, रुचिताने आपल्या वागणुकीत काहीच बदल केला नाही. कॅप्टन्सी कार्यात सुद्धा ती तशीच वागत होती. यावेळी सुद्धा रुचिता-करणमध्ये वाद झाले. ‘बिग बॉस’च्या घरात पहिल्याच आठवड्यात रुचिता अनेकांशी भांडली. त्यामुळे आता थेट भाऊच्या धक्क्यावर तिची शाळा घेतली जाणार आहे. दरम्यान ‘बिग बॉस मराठी ६’
रात्री ८ वाजता ‘कलर्स मराठी’वर आणि कधीही ‘जिओ हॉटस्टार’वर नक्की पाहा. (Bigg Boss Marathi 6)
