मागील वर्षी करण जोहरच्या ‘कॉफी विथ करण’ च्या आठव्या सीझनमध्ये दीपिका पदुकोण व रणवीर सिंग यांचा एपिसोड प्रदर्शित झाल्यानंतर दोघेही प्रकाश झोतात आले होते. या शोमध्ये दिलेल्या मुलाखतीदरम्यान केलेल्या विधानांवर सोशल मीडियावर अनेक प्रतिक्रिया उमटल्या. दीपिका व रणवीरला सोशल मीडियावर ट्रोलिंगचाही सामना करावा लागला होता. अशातच आता बॉलिवूड अभिनेत्री हुमा कुरेशीने दीपिकाची बाजू घेत विधान केलं आहे. (Huma qureshi on deepika padukone)
‘कॉफी विथ करण’ला दिलेल्या मुलाखतीमध्ये दीपिका व रणवीर यांनी आपल्या प्रेमाचा सुरुवातीपासूनचा प्रवास सांगितला. दोघांची पहिली भेट, मैत्री, प्रेमात पडले तो प्रसंग तसेच दीपिका व रणवीर यांच्या विवाहसोहळ्यातील सर्व प्रसंग सांगितले आहेत. करणने दीपिका व रणवीर यांच्या प्रेमाचे सुरुवातीचे दिवस नक्की कसे होते हा प्रश्न विचारले असता दीपिका म्हणाली की,”आम्ही जेव्हा रिलेशनशिपमध्ये आलो तेव्हा आम्ही एकमेकांना कोणतीही बंधनं घातली नव्हती. जोपर्यंत आम्ही नात्यामध्ये गंभीर नव्हतो तेव्हा इतरांनाही डेट केलं. पण जेव्हा आम्हाला कळलं की आमचं प्रेम खरे आहे तेव्हा आम्ही एकमेकांशी लग्न करण्याचा निर्णय घेतला.” दीपिकाच्या या विधानावर नेटकाऱ्यांनी तिला भरपूर प्रमाणात ट्रॉल केले. या सर्व प्रकारानंतर रणवीर व दीपिका घटस्फोट घेणार असल्याच्या अफवाही पसरल्या.
पण यावर हुमाने दीपिकाची पाठराखण करत एका संवादादरम्यान दीपिकाचा बचाव करताना म्हणाली की, “दीपिका पदुकोणला ती अनेकांना डेट करत असल्याने ट्रोल करण्यात आले. मी यावर काय बोलू हे समजत नाही आहे. खरं तर हे हास्यास्पद आहे. लोकांची समस्या नक्की काय आहे? आम्ही सेलेब्रिटी ज्यामुळे ट्रोल होऊ असा मुद्दा नेहमी शोधला जातो. सध्या आपले ‘ट्रोलिंग कल्चर’ आहे.जे काळे कपडे घालतात त्यांना ट्रोल करतात, जे काळे कपडे परिधान करत नाहीत त्यांनाही ट्रोल करतात.” असे तिने स्पष्ट केले आहे.
हुमा लवकरच ‘महाराणी ३’ मध्ये आपल्याला पाहायला मिळणार आहे. मागील महिन्यातच या सिरीजचा टिझर प्रदर्शित करण्यात आला. मात्र चित्रपट प्रदर्शनाची तारीख मात्र अद्याप जाहीर करण्यात आली नाही.