बरेच कलाकार असे आहेत ज्यांनी आजवर त्यांच्या अभिनयाने प्रेक्षकांच्या मनात घर केलं. बरं हे कलाकार प्रेक्षकांच्या मनात जागा केल्यानंतर काही काळ सिनेसृष्टीपासून दूर जातात, तेव्हा मात्र प्रेक्षक या कलाकारांना मिस करू लागतात. बऱ्याच दिवसांनी अशीच एक अभिनेत्री पुन्हा एकदा छोटा पडदा गाजवायला सज्ज होतं आहे. ही अभिनेत्री दुसरी तिसरी कोणी नसून जिने तिच्या खलनायकी भूमिकेने प्रेक्षकांच्या मनात स्थान निर्माण केलं अशी अभिनेत्री म्हणजे शर्मिष्ठा राऊत. (Sharmishtha Raut On Husband)
आजवर शर्मिष्ठा राऊत हिने ग्रे शेड असलेल्या भूमिका साकारल्या. आतापर्यंत शर्मिष्ठाने चित्रपट व मालिकांमधून प्रेक्षकांच्या मनात घर केलं. तिच्या कामासोबतच ती बरेचदा तिच्या खासगी आयुष्यामुळे चर्चेत असते. बराच काळ मालिकाविश्वापासून दूर असलेली शर्मिष्ठा राऊत आता पुन्हा एकदा रुपेरी पडदा गाजवायला सज्ज होतं आहे.
दोन बहिणींच्या नात्यातील अतूट गोष्ट सांगणाऱ्या या आशयघन कथेवर आधारित ‘सारं काही तिच्यासाठी’ ही नवी मालिका प्रेक्षकांच्या भेटीस येत आहे. सोशल मीडियावर या मालिकेचं जोरदार प्रमोशन सुरु आहे. अशातच मालिकेतील कलाकारांनी नुकतीचमोठ्या गोष्टीबद्दल भाष्य केलं. या निमित्त दिलेल्या एका मुलाखतीमध्ये तिने तिच्या नवऱ्याने तिच्यासाठी त्याचं गिरगावमधील घर सोडल्याचा खुलासा केला.
होम मिनिस्टर या कार्यक्रमाचा एक प्रोमो सोशल मीडियावर व्हायरल होत आहे. या प्रोमोमध्ये आदेश बांदेकर शर्मिष्ठाला विचारतात, “तुला सगळं ठाण्यातच मिळालं? त्यावर शर्मिष्ठा म्हणते, “हो.” त्यानंतर आदेश बांदेकर विचारतात, “कसं काय पण?” यावर शर्मिष्ठा म्हणते, “माझा नवरा गिरगावचा आहे. जेव्हा आमचं लग्न ठरलं तेव्हा माझी अट होती की, मी ठाणे सोडणार नाही. यावर तो म्हणाला होता, नो प्रॉब्लेम. मी ठाण्यात येतो. मग तो गिरगाव सोडून ठाण्यात आला.”
शर्मिष्ठा राऊतने २०२० मध्ये तेजस देसाईसह लगीनगाठ बांधली. त्यावेळी शर्मिष्ठा व तेजस यांच्या लग्नसोहळ्याच्या अनेक फोटोंनी सोशल मीडियावर चांगलाच धुमाकूळ घातला होता. बरेचदा हे जोडपं सोशल मीडियावरून एकमेकांबद्दलच प्रेम व्यक्त करत असतात.
