गेल्या काही महिन्यांपूर्वी अभिनेत्री राखी सावंत व तिचा नवरा आदिल खान चांगलेच चर्चेत आले होते. राखीने आदिलबरोबर लग्न करुन चाहत्यांना मोठा धक्का दिला होता. दोघेही एकत्र खूप मजेत होते. अनेकदा दोघांनी आपले प्रेमही माध्यमांसमोर व्यक्त केले होते. तसेच एकत्रित व्यवसायही सुरू केला होता. पण लग्नानंतर काही कालावधीमध्येच त्यांच्यामध्ये वादविवाद होऊ लागले. माध्यमांमध्ये दोघांनीही एकमेकांवर गंभीर आरोप केले होते. पण आता आदिल एका वेगळ्याच कारणामुळे चर्चेत आला आहे. (Rakhi Sawant husband second marriage )
राखीमुळे चर्चेत आलेला आदिल हा व्यावसायिक असल्याचे सांगितले जात आहे. २०२२ मध्ये राखीने आदिलबरोबर गुपचुप लग्न केले. त्यानंतर ते माध्यमांसमोर आले होते. पण काही कालावधीमध्येच दोघांमध्ये वाद होऊ लागल्याच्या चर्चा सुरू झाल्या. त्यानंतर राखीने आदिलवर गंभीर आरोप लावल्यामुळे त्याला तुरुंगातही जावे लागले होते. सध्या आदिल तुरुंगातून बाहेर आहे. अशातच त्याने दुसरे लग्न केलं असल्याच्या चर्चा सुरू झाल्या आहेत.
आदिलने आता ‘बिग बॉस १२’ मधील स्पर्धकाशी लग्न केल्याच्या चर्चांना उधाण आले आहे. मीडिया रिपोर्ट्सनुसार आदिलच्या जवळच्या सूत्रांनी खुलासा केला आहे की, “आदिलने २ मार्च रोजी जयपूर येथे लग्न केले. लग्न अगदी साध्या पद्धतीने आणि गुपचुप पार पडले”. सूत्रांच्या म्हणण्यानुसार आदिलला या लग्नाबाबत गुप्तता पाळायची होती.
सूत्राला विचारण्यात आले की “आदिलची पत्नी कोण आहे?” त्यावर त्याने आश्चर्यजनक खुलासा केला आहे. त्याने सांगितले की, “आदिलने सध्या सबा खानची बहीण सोमी खानबरोबर लग्न केले आहे. दोघांनीही याबद्दल गुप्तता पाळली आहे. आदिल काही काळापासून चर्चेत आहे. त्यामुळे त्याला ही उघड करायचे नाही आहे. तसेच सोमी खानची देखील या लग्नाबाबत गुप्तता पाळण्याची इच्छा असल्याचे त्याने सांगितले. सोमी खान ही मूळ राजस्थानची आहे. सध्या सोमी व सबा या दोघीही कामाच्या निमित्ताने मुंबईमध्ये राहतात. त्यांनी ‘न्याय:द जस्टीस’, ‘केसरिया बालम’ आणि ‘हमारा हिंदुस्थान’ या कार्यक्रमांमध्ये पाहिलं गेलं आहे. आदिल व सबाला देखील अनेक पार्टीमध्ये एकत्र पाहिले गेले होते. तिथूनच त्यांच्या प्रेमाची सुरवात झाली होती असे सांगण्यात येत आहे.
