अभिनेत्री मुनमुन सेन यांचे पती, रायमा सेन आणि रिया सेन यांचे वडील भरत देव वर्मा यांचे आज कोलकाता येथे निधन झाले. आज १९ नोव्हेंबर रोजी कोलकाता येथील त्यांच्या घरी सकाळी ०९ च्या सुमारास भरत देब वर्मा यांनी अखेरचा श्वास घेतला. वृत्तानुसार, भरत देव वर्मा यांची तब्येत बिघडल्याने त्यांना रुग्णालयात नेण्यासाठी कोलकाता येथील ढाकुरिया येथील एका खाजगी रुग्णालयातून रुग्णवाहिका बोलावण्यात आली. रुग्णवाहिका पोहोचण्यापूर्वीच त्यांचा मृत्यू झाला. ते ८३ वर्षांचे होते. वडिलांच्या निधनाची बातमी समजल्यानंतर अभिनेत्री रायमा सेन कोलकात्याला रवाना झाली आहे. जेव्हा ही बातमी मिळाली तेव्हा ती जयपूरमध्ये शूटिंग करत होती. (Bharat Dev Verma Passed Away)
भारत देव वर्मा यांच्या निधनावर पश्चिम बंगालच्या मुख्यमंत्री ममता बॅनर्जी यांनी शोक व्यक्त केला. एक्स (ट्विटर) अकाऊंटवर त्यांनी लिहिलं आहे की, “मुनमुन सेन यांचे पती आणि माझे हितचिंतक भारत देव वर्मा यांच्या निधनाने मी दु:खी आहे. ते अत्यंत प्रेमळ होते. मी त्यांच्या आठवणी कायम माझ्या मनात जपून ठेवीन. त्यांनी खरोखरच मला त्यांच्या कुटुंबाचा एक भाग मानलं होतं. त्यांच्या निधनाने मी खूप काही गमावलंय. सकाळी त्यांच्या निधनाचं वृत्त समजताच मी त्यांच्या बालीगंगे इथल्या निवासस्थानी गेले. तिथे त्यांची मुलगी रिया उपस्थित होती. तर पत्नी मुनमुन आणि दुसरी मुलगी रायमा दिल्लीहून येत आहेत. त्यांनी मी श्रद्धांजली अर्पित करते आणि त्यांच्या कुटुंबाप्रती शोक व्यक्त करते”.
Saddened by the demise of Bharat Dev Varma, the husband of filmstar Moon Moon Sen, and himself a great well-wisher of mine.
— Mamata Banerjee (@MamataOfficial) November 19, 2024
He was indeed very loving and affectionate to me and I shall always treasure his memories. He truly considered me as part of his family and his demise is…
आणखी वाचा – Appi Amchi Collector : अमोलच्या आजारपणावर उपचार सुरु, अप्पी-अर्जुनची अमोलला साथ पण…
भरत देव वर्मा राजघराण्यातील आहेत. ते त्रिपुराच्या राजघराण्यातील होते. भरत यांची आई इला देवी कूचबिहारची राजकुमारी आणि जयपूरची राणी गायत्री देवी यांच्या मोठ्या बहीण होत्या. भरत यांची आजी इंदिरा या वडोदराचे महाराज सर्जीराव गायकवाड तिसरे यांची एकुलती एक मुलगी होती. त्यांनी अभिनेत्री मुनमुन सेनसोबत लग्न केले होते. रायमा सेन आणि रिया सेन या अभिनेत्रींचे ते वडील आहेत.
आणखी वाचा – “फालतूपणा दाखवू नका”, ‘तुला शिकवीन…’वर प्रेक्षकांचा संताप, म्हणाले, “कथाच बदला आणि…”
मुनमुन सेन यांनी लग्न आणि आई झाल्यानंतर अभिनय क्षेत्रातील करिअरची सुरुवात केली. १९८४ मध्ये ‘अंदर बाहर’ टा चित्रपटातून त्यांनी बॉलिवूडमध्ये पदार्पण केलं. त्यांनी विविध भाषांमध्ये उल्लेखनीय भूमिका साकारल्या आहेत. यात ‘100 डेज’, ‘सिरीवेन्नेला’ यांचा समावेश आहे. भारत देव आणि मुनमुन यांची मुलगी रिया सेनने हिंदी, बंगाली, तमिळ आणि तेलुगू चित्रपटांमध्ये काम केलं आहे.
