अस्खलित मराठी बोलली, आईची साडी नेसून पुरस्कार स्वीकारला आणि…; वाढदिवसादिवशी काजोल भावुक, म्हणाली, “माझी आई…”

marathi movie awards : यंदा ६० आणि ६१ व्या महाराष्ट्र राज्य मराठी चित्रपट पुरस्काराचे आयोजन करण्यात आले होते. या पुरस्कार सोहळ्यासाठी मुख्यमंत्री देवेंद्र फडणवीस, उपमुख्यमंत्री अजित पवार आणि सांस्कृतिक कार्य मंत्री ऍड. आशिष शेलार यांच्यासह अनेक मान्यवर उपस्थित होते. ६० आणि ६१ व्या महाराष्ट्र राज्य चित्रपट पुरस्कार सोहळ्यात अभिनेत्री काजोल देवगणला राज कपूर विशेष योगदान पुरस्कार प्रदान करण्यात आला. ५ ऑगस्ट रोजी ५१ वा वाढदिवस साजरा करत असणाऱ्या काजोलसाठी हा पुरस्कार सोहळा दुहेरी आनंद घेऊन येणारा ठरला. मान्यवरांच्या हस्ते पुरस्कार स्वीकारताना काजोलसमोर तिची आई म्हणजेच ज्येष्ठ अभिनेत्री तनुजादेखील उपस्थित होत्या.

पुरस्कार स्वीकारल्यावर काजोल म्हणाली, “आज माझा वाढदिवस आहे आणि आजच्या खास दिवशी माझा सन्मान करण्यात आला ही माझ्यासाठी खूप मोठी गोष्ट आहे. या मंचावर सगळे दिग्गज उपस्थित आहेत त्यांच्या हस्ते मला हा पुरस्कार प्रदान करण्यात आला हे माझे भाग्य आहे. खरंतर मी निःशब्द झाले आहे, मला काय बोलावं हे सुद्धा सुचत नाहीये, हा क्षण माझ्यासाठी खूप खास आहे. याचं सगळ्यात मोठे कारण म्हणजे माझी आई इथे माझ्याबरोबर आलीये. त्यापेक्षा महत्त्वाचं म्हणजे मी तिची साडी नेसून आज या कार्यक्रमाला आली आहे. ही माझ्या आईची साडी आहे”.

आणखी वाचा – “सर्व दोषांसह स्वीकारुन लग्न करणं अवघड”, नवऱ्याबद्दल बोलताना हिना खान ढसाढसा रडली, म्हणाली, “हा माझ्यासाठी…”

अभिनेत्री काजोल देवगण यांना ‘स्व. राज कपूर विशेष योगदान पुरस्कार २०२४’ ने सन्मानित केल्यानंतर त्यांनी मनोगत व्यक्त केले. #महाराष्ट्र_राज्य_मराठी_चित्रपट_पुरस्कार #Maharashtra #AshishShelar pic.twitter.com/VVyz3RbOkQ

— Adv. Ashish Shelar – ॲड. आशिष शेलार (@ShelarAshish) August 5, 2025

पुढे काजल म्हणाली, “हा पुरस्कार यापूर्वी माझ्या आईला देखील मिळाला होता आणि आज तोच पुरस्कार मला मिळतोय यापेक्षा मोठा अवॉर्ड दुसरा काय असणार? मी सर्वांची खूप-खूप आभारी आहे. थैंक्यू. आपण काहीतरी आयुष्यात करुन दाखवलं आहे, यावर कसा विश्वास ठेवायचा? मला वाटतं, हा पुरस्कार मिळाल्यानंतर मी हे नक्की म्हणू शकेन की, मी आयुष्यात काहीतरी केलं आहे”.

आणखी वाचा – कॅन्सर सर्जरीनंतर दीपिका कक्करने गाठलं स्वयंपाकघर; पहिल्यांदाच बनवली ‘ही’ खास डिश, सासऱ्यांकडून कौतुक

याशिवाय या सोहळ्यात राज कपूर जीवन गौरव पुरस्कार ज्येष्ठ अभिनेते अनुपम खेर यांना प्रदान करण्यात आला. गानसम्राज्ञी लता मंगेशकर पुरस्कार गझलगायक भीमराव पांचाळे यांना प्रदान करण्यात आला. तसंच, चित्रपती व्ही. शांताराम जीवन गौरव पुरस्कार अभिनेता आणि दिग्दर्शक महेश मांजरेकर यांना तर चित्रपती व्ही. शांताराम विशेष योगदान पुरस्कार अभिनेत्री मुक्ता बर्वे यांना प्रदान करण्यात आला.