Dipika Kakar Instagram Story : टेलिव्हिजन अभिनेत्री दीपिका कक्कर सध्या आजारपणाशी लढा देत आहे. अलीकडेच अभिनेत्रीवर स्टेज २ यकृत कर्करोगाची शस्त्रक्रिया झाली आहे. दीपिकाची शस्त्रक्रिया तब्बल १४ तास सुरु होती. शस्त्रक्रियेनंतर ती आता सावरत आहे. अलीकडेच, शोएब इब्राहिमने एक ब्लॉग शेअर केला ज्यामध्ये त्याने शस्त्रक्रियेनंतर दीपिकाची झलक दर्शविली. ज्यामध्ये तिच्या हाताला पट्टी लावलेली दिसली आणि त्याच्या डोळ्यात अश्रू होते. आता दीपिकाने शस्त्रक्रियेनंतर सोशल मीडियावर तिची पहिली पोस्ट शेअर केली आहे. दीपिकाची ही पोस्ट सोशल मीडियावर खूप व्हायरल होत आहे.
दीपिका कक्करने तिच्या इन्स्टाग्राम स्टोरीमध्ये एक सकारात्मक कोट शेअर केला आहे. ज्यामध्ये तिने अल्लाहबद्दल लिहिले आहे. दीपिकाने लिहिले, “अल्लाह पहात आहे, अल्लाहला माहित आहे आणि अल्लाह सर्व काही ठीक करेल”. याचशा तिने कॅप्शनमध्ये हार्ट इमोजी देखील पोस्ट केले आहेत. दीपिकाला कर्करोगाचे निदान झाले तेव्हा तिच्या कुटुंबियांना धक्का बसला. इतकंच नाही तर चाहत्यांमध्येही काळजीच वातावरण पाहायला मिळालं. मात्र, दीपिकाच्या पाठीशी तिचे कुटुंब आणि चाहत्यांचे प्रेम होते.
आणखी वाचा – ‘बालिका वधू’ फेम सुप्रसिद्ध अभिनेत्रीचा थाटामाटात साखरपुडा, होणाऱ्या नवऱ्यासह शेअर केले रोमँटिक फोटो, शुभेच्छांचा वर्षाव “
शोएबने तिच्या व्हीलॉगमध्ये सांगितले होते, दीपिकाची १४ तासांची शस्त्रक्रिया होती आणि ती आता पूर्वीपेक्षा चांगली आहे. तिच्या तब्येतीत सुधारणा होत असल्याचे सांगत त्याने त्यानंतर दीपिकाची ओळख करुन दिली. त्यावेळी दीपिका अचानक रडण्यास सुरुवात करते. आणि ती म्हणते, “सांगण्यासारखे काही नाही. मी शस्त्रक्रियेनंतर अधिक भावनिक झाले आहे. मला छोट्या छोट्या गोष्टींवर रडू येत आहे”.
नंतर व्हिडीओमध्ये ती दाखवते की, शोएब आणि दीपिकाची आई तिला भेटायला आली आहे. मुलगा रुहान देखील त्याच्याबरोबर येतो. दीपिका रुहानला पाहून खूप खुश होते आणि आपल्या मुलाबरोबर खेळू लागते. आईला पाहून, रुहानसुद्धा खूप आनंदी होतो आणि तिच्याशी बोलतो. हावभावांमध्ये बर्याच गोष्टी तो तिला सांगताना दिसतोय. रुहानला पाहून दीपिकाच्या चेहऱ्यावरचा आनंद ओसंडून वाहताना दिसत आहे. जेव्हा चाहत्यांना दीपिकाच्या कर्करोगाबद्दल कळले तेव्हा त्यांनी तिच्यासाठी प्रार्थना करण्यास सुरुवात केली. प्रत्येक व्हिडीओमध्ये शोएब चाहत्यांना दीपिकासाठी प्रार्थना करण्यास सांगत असे.
