हिंदी टीव्हीक्षेत्रातील जोडी संकेत भोसले आणि सुगंधा मिश्रा हे आपल्या विनोदी अंदाजामुळे प्रेक्षकांमध्ये प्रचंड लोकप्रिय आहे. अशातच या लोकप्रिय जोडप्यांनी त्यांच्या चाहत्यांसमोर एक आनंदाची बातमी शेयर केली आहे. सुगंधा व संकेत हे लवकरच आई-बाबा होणार आहे. या जोडीने सोशल मीडियावर फोटोशूट शेअर करत ही आनंदाची बातमी त्यांच्या चाहत्यांना दिली आहे. तसेच, ही बातमी येताच अनेक कलाकारांनी त्यांच्यावर शुभेच्छांचा वर्षाव केला आहे. (Sugandha Mishra announces her Pregnancy)
नवरात्रोत्सवाच्या पहिल्याच दिवशी या जोडीने ही आनंदाची बातमी शेअर केली आहे. दोघांनी त्यांच्या इंस्टाग्राम अकाऊंटवर एक मॅटर्निटी फोटोशूट केला आहे. ज्यामध्ये अभिनेत्री पती संकेत भोसलेसह एका समुद्रकिनाऱ्यावर पोज देताना दिसत आहे. यावेळी जांभळ्या रंगाचा वेस्टर्न ड्रेस परिधान करताना सुगंधा तिचा बेबी बंप फ्लाँट करताना दिसली. तर गुलाबी शर्ट आणि डेनिम जीन्समध्ये संकेत खूप सुंदर दिसत आहे.
हे देखील वाचा – चुलीवरची भाकरी अन् मासे… किशोरी शहाणे यांनी फार्महाऊसवर बनवलं खास जेवण, नेटकरी म्हणाले, “तुमच्या घरी जेवणासाठी…”
यावेळी हे फोटोज शेअर करताना ती म्हणाली, “लवकरच आमच्याबरोबर कोणीतरी येत आहे. आता आम्ही आमच्या या नव्या सदस्यासाठी जास्त वाट पाहू शकत नाही. तुमचे प्रेम आणि आशीर्वाद आमच्यावर असेच राहू द्या.” तिच्या या पोस्टवर गायिका नेहा कक्कर, अभिनेत्री भारती सिंग, गौहर खान, नकुल मेहता, किकू शारदा यांसारख्या अनेक कलाकारांनी अभिनंदन केले आहे. तसेच, त्यांची ही पोस्ट व्हायरल होताच चाहत्यांनी दोघांवर शुभेच्छांचा वर्षाव केला आहे.
हे देखील वाचा – Video : दिग्दर्शक रवी जाधव यांनी खरेदी केली अलिशान कार, व्हिडिओ व्हायरल, कारची किंमत ऐकून व्हाल थक्क
सुगंधा आणि संकेत यांनी अनेक वर्ष एकमेकांना डेट केल्यानंतर एप्रिल २०२१ मध्ये हे दोघे विवाहबंधनात अडकले. गेली अनेक वर्ष ही जोडी या क्षेत्रात सक्रिय असून दोघांनी ‘द कपिल शर्मा शो’मध्ये काम केलेलं आहे. व्यवसायाने डॉक्टर असलेला मराठमोळा विनोदवीर संकेत भोसले संजय दत्तच्या मिमिक्रीसाठी विशेष ओळखला जातो. तसेच, ही जोडी सोशल मीडियावरही प्रचंड सक्रिय असून या जोडीचे अनेक मजेशीर व्हिडिओज नेहमीच व्हायरल होतात.
