सर्वत्र गणेशोत्सवानिमित्त धमाल मस्ती मजेचे वातावरण तयार झाले आहे. गणेशोत्सवानिमित्त सगळीकडे उत्साहाचे, जल्लोषाचे वातावरण पाहायला मिळतंय. सर्वसामान्यांपासून ते कलाकार मंडळींपर्यंत सगळेचजण गणेशच्या आगमनासाठी उत्सुक होते. सोशल मीडियावर तर गणेशोत्सवाचीच चर्चा रंगलेली पाहायला मिळतेय. अनेक कलाकार मंडळींच्या घरी तसेच मालिकेच्या सेटवर गणरायाचं आगमन झालं आहे. तेथील धमाल, तसेच गणरायाच्या आगमनाचे अनेक फोटो, व्हिडीओ कलाकार मंडळींनी सोशल मीडियावरून शेअर देखील केले आहेत. ( Mhj Fame Artist Video Viral)
अशातच सध्या सोशल मीडियावर एका व्हिडिओची तुफान चर्चा रंगलेली पाहायला मिळतेय. हा व्हिडीओ म्हणजे ‘महाराष्ट्राची हास्यजत्रा’ मधील कलाकारांचा आहे. हास्यजत्रेतील कलाकारांचा हा व्हिडीओ कोणत्या स्किटदरम्यानचा नसून गणेशाची जल्लोषात आरती करतानाचा आहे. हास्यजत्रेतील कलाकारांनी त्यांच्या मित्राच्या बाप्पाला हजेरी लावली होती. त्यावेळी त्यांनी आरतीदरम्यान धमाल मस्ती केली.
‘महाराष्ट्राची हास्यजत्रा’ मधील कोळीवाड्याची रेखा म्हणून प्रेक्षकांच्या मनावर राज्य करणारी अभिनेत्री म्हणजे वनिता खरात वनिताने आजवर तिच्या अभिनयकौशल्याने व तिच्या विनोदी छटेने चाहत्यांची मन जिंकली. वनिताच्या हास्यजत्रेतील प्रत्येक स्किटला चाहत्यांनी कायमच भरभरून प्रतिसाद दिला आहे. शिवाय हास्यजत्रेतील आणखी एक प्रेक्षकांचा लाडका अभिनेता म्हणजे पृथ्वीक प्रताप. पृथ्वीकचा हँडसम अंदाज कायमच तरुणाईला भुरळ पाडणारा आहे. हास्यजत्रेतील या दोन्ही कलाकारांचा एक व्हिडीओ सध्या सोशल मीडियावर धुमाकूळ घालतोय.
हास्यजत्रेतील पृथ्वीक व वनिताने नुकतीच त्यांच्या मित्राच्या घरी बाप्पाचं दर्शन घ्यायला हजेरी लावली होती. त्यावेळी वनिता बरोबर तिचा पती सुमित लोंढेही उपस्थित होता. दरम्यान त्यांनी बाप्पाच्या आरतीचाही आनंद घेतला. बाप्पाच्या आरतीला या दोन्ही कलाकारांनी मंत्रमुग्ध होऊन जल्लोषात आरती केली. आरती दरम्यानची त्यांची मित्र मित्रांची धमाल ही या व्हिडिओमध्ये पाहणं रंजक ठरलं.
