बॉलिवूड अभिनेता सनी देओल मागील वर्षी ‘गदर २’ या चित्रपटामुळे चांगलाच चर्चेत आला होता. २००१ साली आलेल्या ‘गदर:एक प्रेम कहाणी’ला प्रेक्षकांनी अक्षरशः डोक्यावर घेतले होते. आता जवळपास २२ वर्षांनी या चित्रपटाचा दुसरा भाग प्रदर्शित केला गेला. दुसऱ्या भागातही सनी व अमीषा पटेल यांच्या जोडीला भरभरून प्रेम मिळाले. पण आता सनी आता कोणत्याही चित्रपटामुळे नाही तर एका वेगळ्याच कारणामुळे चर्चेत आला आहे. (Sunny deol on build body)
सनी आपल्या तब्येतीची खूप काळजी घेताना दिसतो. तो आपले जेवण, वर्कआऊट यावर पूर्ण लक्ष देत असतो. पण एकदा सनीने आपल्या शरीराची काळजी घेण्यासाठी थेट लंडनहून दूध मागवल्याचा खुलासा करण्यात आला आहे. हा खुलासा सनीचा मित्र व अभिनेता विंदू दारा सिंहने केला आहे. विंदूने सांगितले की, “सनी आपले वजन वाढवण्यासाठी खूप प्रयत्न करत होता. त्यासाठी तो आपले जेवण व व्यायामावरीही लक्ष देत होता. तेव्हा ‘बेताब’ या हिंदी चित्रपटाच्या चित्रीकरणाआधी सनीने लंडनमध्ये प्रशिक्षण घेतले होते ज्यामुळे त्यांचे शरीर खूप वाढले होते”.
पुढे तो म्हणाला की, “सनीला त्यावेळी लक्षात आलं की बॉडी बनवण्यासाठी खास काळजी घेणं गरजेचं आहे. सनीने लंडनमध्ये मसल्स बिल्ड केले होते. त्यामुळे ही लंडन बॉडी असल्याचे मी त्याला म्हणालो. दूध,पनीर खाऊन ही बॉडी बनली असल्याचेही मी त्याला सांगितले. पण जर भारतात गेलास तर ही बॉडी निघून जाईल आणि तसंच झालं. नंतर काही दिवसांनी सनी भेटला आणि मला म्हणाला की आता माझी तब्येत कमी होणार नाही. मी कसं काय? असं विचारलं. त्यावर तो मला खोलीमध्ये घेऊन गेला. त्या खोलीमध्ये भरपूर दूध होतं. जे त्याने लंडनवरुन मागवलं होतं”.
सध्या सनी ‘लाहोर १९४७’ या चित्रपटामध्ये दिसणार आहे. हा चित्रपट आमिर खानच्या प्रोडक्शनमध्ये निर्मित होणार आहे. या चित्रपटामध्ये त्याच्याबरोबर त्याचा मुलगा करण देओलही दिसणार आहे. करण याआधी ‘यमला पगला दिवाना २’, ‘पल पल दिल के पास’ या चित्रपटामध्ये दिसला होता.
