Pooja Birari Wedding : मराठी मनोरंजनविश्वात सध्या लगीनघाई सुरु असल्याची पाहायला मिळत आहे. आदेश बांदेकर व सुचित्रा बांदेकर यांच्या लेकाचे म्हणजे सोहम बांदेकरचे लग्न आज आहे. आणि त्याच्या लग्नाची धामधूम सुरु असल्याचं समोर आलं आहे. लोणावळा येथे हा शाही विवाहसोहळा संपन्न झाला. सोहमने अभिनेत्री पूजा बिरारीसह लग्नगाठ बांधली. आज २ डिसेंबर रोजी पूजा व सोहम यांचा शाही विवाहसोहळा पार पडला. यापूर्वी त्यांनी उघडपणे त्यांच्या प्रेमाची कबुली दिली नव्हती. मात्र, गणेशोत्सवावेळी पूजा बांदेकरांच्या घरी दिसली आणि या चर्चांना उधाण आलं. अखेर आता पूजा सोहमची होम मिनिस्टर झालं आहे.
लग्नातील पूजाचा लूक साऱ्यांच्या नजरा खिळवत आहे. लग्नासाठी पूजाने गुलाबी रंगाची साडी नेसली असून पिवळ्या रंगाचा शेला परिधान केला आहे. आणि तिने साऊथ इंडियन ज्वेलरी परिधान लूकमध्ये भर घातली आहे. सिंपल मेकअप लूकमध्ये नवरी मुलगी खूपच सुंदर दिसत आहे. तर तिचा डिझाइनर ब्लाउज तिच्या सिंपल साडीला शोभून दिसत आहे. केसात गजरा, हिरव्या बांगड्या घालून ती खूपच सुंदर दिसत होती.
