Soham Bandekar and Pooja Birari Wedding : अभिनेते आदेश बांदेकर आणि अभिनेत्री सुचित्रा बांदेकर यांच्या लेकाच्या म्हणजे सोहम बांदेकरच्या लग्नाची धामधूम सोशल मीडियावर पाहायला मिळाली. अखेर २ डिसेंबर म्हणजे आज सोहम बांदेकर व पूजा बिरारी लग्नबंधनात अडकले आहेत. त्यांच्या लग्नाचा पहिला फोटो समोर आला असून दोघांनी अत्यंत पारंपरिक अंदाजात हा लग्न सोहळा पार पाडला. सोहम व पूजाच्या लग्नाला त्यांचे कुटुंबीय, मित्रपरिवार आणि अनेक कलाकार मंडळींच्या उपस्थिती पाहायला मिळाली. सोहम व पूजा यांनी सात फेरे घेत त्यांच्या नव्या आयुष्याची सुरुवात केली असल्याचं दिसत आहे.
लग्नासाठी पूजाने गुलाबी रंगाची साडी नेसली असून पिवळ्या रंगाचा शेला परिधान केला आहे. आणि तिने साऊथ इंडियन ज्वेलरी परिधान लूकमध्ये भर घातली आहे. सिंपल मेकअप लूकमध्ये नवरी मुलगी खूपच सुंदर दिसत आहे. तर सोहमने वर्क केलेली शेरवानी परिधान केली. दोघेही या लग्नाच्या लूकमध्ये खूपच सुंदर दिसत आहेत. दोघांचाही एकमेकांना हार घातलेला फोटो समोर आला असून त्यांनी सात फेरे घेत त्यांच्या नव्या आयुष्याला सुरुवात केली आहे.
लोणावळा मध्ये उच्चभ्रू रिसॉर्टमध्ये हा लग्नसोहळा पार पडणार आहे. एकूणच अगदी थाटामाटात आणि पारंपरिक अंदाजात हा लग्नसोहळा पार पडणार आहे. लग्न मंडपातही श्लोक लिहिलेले पडदे वापरल्याने एक प्रकारे ही सकारात्मकता लक्ष वेधून घेणारी आहे. कुटुंबीय, जवळचा मित्र-परिवार यांच्या उपस्थितीत हा लग्नसोहळा पार पडत आहे.
