निखळ विनोद निर्मिती व संवेदनशील अभिनयासाठी ओळखले जाणारे अभिनेते संदीप पाठक यांची मोठी फॅन फॉलोविंग आहे. एका छोट्याश्या गावातून आलेल्या संदीप यांनी अनेक दर्जेदार कलाकृतींमध्ये काम केले आहे. त्यांच्या अभिनयाने प्रेक्षकांच्या मनात एक वेगळे स्थान निर्माण केले आहे. त्याचबरोबर ते अनेकदा आपली सामाजिक बांधिलकीसुद्धा जपताना दिसतात. त्यांच्या नाटकाच्या दौऱ्यावेळी ते विविध लोकांशी संवाद साधतात, त्यांच्या सुख-दुःखात सहभागी होतात. शिवाय, विविध उपक्रम राबवत ते तळागाळातील लोकांशी घट्ट नाळ जोडतात. संदीप यांचा असाच एक व्हिडिओ समोर आला, ज्याची सध्या चर्चा होत आहे. (Sandeep Pathak makes Bhaji)
संदीप पाठक यांचं रंगभूमीवर ‘वऱ्हाड निघालंय लंडनला’ हे एकपात्री नाटक सुरु आहे. या नाटकाच्या निमित्ताने राज्यातील विविध ठिकाणी व खेड्यापाड्यात ते नेहमीच जात असतात. याच प्रवासादरम्यान संदीप हे कळंबजवळील एका दुकानात थांबले. तेव्हा तिथे एक युवक भजी बनवताना दिसला. हे बघून त्यांना भजी तळण्याचा मोह आवरला नाही आणि त्यांनी स्वतःच्या हाताने भजी तळत त्यांनी याचा आस्वाद घेतला.
हे देखील वाचा – “आपली लायकी काय?”, ‘पप्पांनी गणपती आणला’ गाण्यावर नवऱ्याने केला डान्स, ट्रोल करणाऱ्यांवर भडकल्या ऐश्वर्या नारकर
संदीप यांनी हा व्हिडिओ त्यांच्या इंस्टाग्राम अकाउंटवर शेअर केला. ज्यामध्ये ते भजी तळताना दिसतात. हा व्हिडिओ शेअर करताना ते म्हणाले, “प्रवासात मला प्रत्येक ठिकाणी थांबून वेगवेगळे पदार्थ खायला आवडतात. सुरडी फाटी (कळंब) जवळ आकाश नावाचा मुलगा गरम गरम भजे तळत होता, मला मोह झाला भजे तळण्याचा आणि खाण्याचा. धन्यवाद आकाश.” त्यांचा हा व्हिडिओ चाहत्यांच्या पसंतीस पडला असून कमेंटद्वारे ते संदीपचे कौतुक करताना दिसत आहे. एक नेटकरी म्हणाला, “व्हिडिओ पाहून अस समजलं की, संदीप पाठक हा सेलिब्रिटी असूनसुद्धा गरीब लोकांना सपोर्ट करतो” तर आणखी एक नेटकरी यावर म्हणाला, “तुम्ही मनाने खूप छान आहात. एवढे मोठे नट असूनही तुम्ही त्यांची विचारपूस करता. तुम्हाला देव कधी काही कमी पडू देणार नाही.”
हे देखील वाचा – सेटवर दोन तास रिकामी मिळालेल्या वेळेमध्ये जुई गडकरी काय करते?, स्वतःच व्हिडीओ शेअर करत केला खुलासा
अभिनेते संदीप पाठक हे गेली अनेक वर्ष नाटकाच्या निमित्ताने देश-विदेशात दौरे करताना दिसतात. त्याचबरोबर अनेक चित्रपट, मालिका व विनोदी कार्यक्रमांमधील त्यांच्या अभिनयाचे नेहमी कौतुक होत आले आहे. ते सोशल मीडियावरही प्रचंड सक्रिय असून त्याद्वारे ते विविध मुद्द्यांवर आपलं मत मांडत असतात.
