बॉलिवूड क्षेत्रांमध्ये प्रत्येक दिवसाला काही ना काही घडत असतं. अनेक कलाकार वेगवेगळ्या कारणांमुळे चर्चेत येत असतात. त्यातील एक अभिनेता म्हणजे रणवीर शौरी. रणवीरने २००२ साली ‘एक छोटीसी लव्ह स्टोरी’ या चित्रपटातून बॉलिवूडमध्ये पदार्पण केले. त्यानंतर तो ‘जिस्म’, ‘लक्ष्य’ या चित्रपटांमध्येही दिसला. २००७साली त्याने अभिनेत्री कोंकणा सेन शर्माला डेट करण्यास सुरुवात केली आणि दोघेही २०१० साली लग्नबंधनात अडकले. दोघांनाही हरुन नावाचा एक मुलगाही आहे. पण आता तो त्याच्या वैयक्तिक आयुष्यामुळे नाही तर एका वेगळ्याच कारणांमुळे चर्चेत आला आहे. (Ranveer shorey on Mahesh bhatt)
आपल्या कसदार अभिनयामुळे चर्चेत राहणाऱ्या रणवीरने चित्रपट निर्माते व दिग्दर्शिक महेश भट्ट यांच्या आरोप कले आहेत. तसेच त्याने दिवंगत अभिनेता सुशांत सिंह राजपूतबद्दलही भाष्य केले आहे. त्याचे म्हणणे आहे की बॉलिवूडमध्ये मोठ्या प्रमाणात गटबाजी होत असून पडद्यामागे सर्वजण या गोष्टीचा स्वीकारही करतील. महेश यांच्याबद्दल रणवीरच्या मनात खूप आदर होता. मात्र त्यांचा वापर करण्यात आला असं रणवीरने सांगितलं आहे. रणवीर एकेकाळी महेश भट्ट यांची मुलगी अभिनेत्री पूजा भट्टला डेट करत होता. मात्र त्याच वेळी तिलाही खूप मॅन्यूपलेट केले गेले. याबद्दल रणवीरने ‘ANI’ला दिलेल्या मुलाखतीमध्ये भाष्य केले आहे.
रणवीरने सांगितले की, “मी महेश भट्ट यांचा खूप आदर करायचो. पण मी जेव्हा पूजाला डेट करण्यास सुरू केले तेव्हा त्यांच्याबद्दल माझ्या मनात जो आदर होता त्याचा ते गैरवापर करु लागले. माझ्याबरोबर खूप विचित्र वागणं सुरू झालं होतं.”
त्यानंतर तो बॉलिवूडमधील गटबाजीवरही भाष्य केले.१४ जून २०२० रोजी सुशांतचा मृतदेह त्याच्या राहत्या घरी मिळाला. त्याच्या मृत्यूनंतर काम व गटबाजीबद्दल खूप चर्चा होऊ लागली. काही काळानंतर सुशांतबद्दलही असंच वागणं सुरू झालं. त्यावर रणवीर म्हणाला की, “हे या क्षेत्रामध्ये नेहमीच चालतं. एखाद्याच्या विरोधात गट बनवणं, बाजूला करणं, कोणाच्या तरी सहाय्याने वर जाणं तसेच एखाद्याचे करिअरदेखील धोक्यात घालणे हे सर्व होत असतं. हे राजकारण सर्वच ठिकाणी होतं. पण हे योग्य नाही.”
सुशांत व त्याच्या मैत्रीबद्दलही रणवीरने सांगितले. तो म्हणाला की, “आम्ही ‘सोनचिडिया’ चित्रपटामध्ये एकत्रित काम करत होतो. आम्ही व्यवयामाच्या आवडीने अधिक घनिष्ट मित्र झालो. तो माझा खूप चांगला मित्र होता”.
रणवीरच्या कामाबद्दल बोलायचे झाले तर तो ‘टायगर ३’ मध्ये सलमान खान बरोबर दिसून आला होता. त्याच्या आभूमिकेचे खूप कौतुक करण्यात आले होते.