काही चित्रपट असे असतात जे पाहिले की प्रेक्षकांच्या मनात घर करून राहतात. त्या चित्रपटातील भूमिका ही प्रेक्षकांच्या मनावर अधिराज्य करते. प्रेक्षकही अशा भारदस्त कथानक असलेल्या चित्रपटाला, चित्रपटातील कलाकाराला भरभरून प्रतिसाद देताना दिसतात. अशातच गेल्या वर्षी एका चित्रपटाने बॉक्स ऑफिसवर बक्कळ कामे करून प्रेक्षकांच्या मनावर राज्य केले होते. तो चित्रपट म्हणजे धर्मवीर. असा हा धर्मवीर म्हणत प्रेक्षकांच्या मनाचा ठाव घेणाऱ्या या चित्रपटाने साऱ्यांच्या मनावर राज्य केलं. आज या चित्रपटाला एक वर्ष पूर्ण झालं आहे. या आठवणीत अभिनेता प्रसाद ओक याने त्याच्या इंस्टाग्राम स्टोरीवर पोस्ट शेअर केली आहे.(Prasad Oak Special Post)
पाहा प्रसाद धर्मवीर चित्रपटासाठी काय म्हणाला (Prasad Oak Special Post)
धर्मवीर या चित्रपटात प्रसादने साकारलेली दिघे साहेबांची भूमिका वाखाणण्याजोगी होती. प्रसादने पोस्ट शेअर करत लिहिलं आहे की, “धर्मवीर” माझ्या आयुष्यातल्या या एका अनोख्या वळणाला आज एक वर्ष पूर्ण होतंय…!! या भूमिकेने, या चित्रपटाने मला जे काही दिलं ते शब्दांपलीकडचं आहे. पुन्हा एकदा प्रविण तरडे, मंगेश देसाई, मंगेश कुलकर्णी, अश्विन पाटील, सचिन नारकर, भट्टे काका, सचिन जोशी, मा. खा. श्रीकांत जी शिंदे आणि मा. मुख्यमंत्री एकनाथ जी शिंदे साहेब आणि धर्मवीर च्या संपूर्ण टीम चे अत्यंत मनःपूर्वक आभार…!!! आणि रसिक प्रेक्षकांचे सुद्धा शतशः आभार…!!!
धर्मवीर – भाग 2 ला सुद्धा आपले आशीर्वाद आणि प्रेम भरभरून मिळेल अशी आशा करतो…!!! “दिघे साहेब”… असेच कायम पाठीशी रहा. असं लिहीत त्याने धर्मवीर चित्रपटातील त्याच्या भूमिकेसाठी तयार होतानाच व्हिडीओ त्याने शेअर केला आहे.(Prasad Oak Special Post)
हे देखील वाचा – ‘माझं हसू ते तुझे आनंदाश्रू’ नम्रताची नवऱ्यासाठी खास पोस्ट
हे देखील वाचा – वीणा आणि आशुतोषच्या नात्याचा होणार उलगडा, सुलेखा ताई सांगणार सत्य
प्रसाद ओक याची धर्मवीर चित्रपटातील भूमिका लक्षणीय होतीच शिवाय इतर चित्रपटातूनही त्याने आपल्या अभिनयाची जादू प्रेक्षकांच्या मनावर केली आहे. अभिनेता म्हणून प्रसाद सर्वांचा लाडका आहेच शिवाय तो एक उत्तम दिग्दर्शक देखील आहे. दिग्दर्शक म्हणून आजवर प्रसादने केलेल्या सगळ्याच चित्रपटांनी बॉक्स ऑफिसवर बक्कळ कमाई केली आहे.
