मनोरंजन क्षेत्रामध्ये सीरिजचे वेड मोठ्या प्रमाणात वाढले आहे.ओटीटीवर आजवर आलेल्या प्रत्येक सिरिजला प्रेक्षकांची पसंती मिळाली आहे. यातील एक दमदार सीरिज म्हणजे ‘आश्रम’. २०२० साली या सिरिजचा पहिला सीझन प्रेक्षकांच्या भेटीला आला होता. विषय वेगळा असल्याने या सीरिजला प्रेक्षकांनी खूप पसंती दिली. पहिल्या भागाच्या यशानंतर या सीरिजचे अजून दोन भाग प्रदर्शित करण्यात आले. या भागांनादेखील प्रेक्षकांनी अक्षरश: डोक्यावर घेतले. आता ‘आश्रम’चा चौथा भाग प्रेक्षकांच्या भेटीला येणार असल्याची अपडेट समोर आली आहे. (aashram series season four)
‘आश्रम’च्या माध्यमातून अभिनेता बॉबी देओल प्रेक्षकांच्या भेटीला आला होता. यामध्ये बॉबीने केलेल्या भूमिकेला खूप प्रसिद्धी मिळाली. त्यानंतर तो ‘ॲनिमल’ या चित्रपटाच्या माध्यमातून पुन्हा एकदा मोठ्या पडद्यावर दिसला. केवळ काही मिनिटांच्या भूमिकेने त्याने सर्वांचीच मने जिंकून घेतली. आता पुन्हा एकदा ‘आश्रम’मध्ये दमदार भूमिकेत दिसू शकतो अशी शक्यता आहे. या सीरिजमध्ये बाबाचा उजवा हात म्हणून ओळखल्या जाणाऱ्या ‘भोपा स्वामी’ची भूमिका करणारे चंदन रॉय यांनी याबद्दल मोठा खुलासा केलं आहे. एका मुलाखतीमध्ये तो म्हणाला की, “प्रत्येक जण मला ‘आश्रम’च्या चौथ्या सीझनबद्दल विचारत असतो. त्यांना वाटते की सर्व तयारी झाली असून या वर्षी हा सीजन प्रेक्षकांच्या भेटीला येऊ शकतो.”
पुढे तो म्हणाला की, “चित्रकरणाचे काही भाग बाकी आहेत. त्यामुळे या वर्षी ही सीरिज प्रेक्षकांच्या भेटीला येऊ शकते”. यामध्ये बॉबी देओलचे ‘काशीपुरवाले बाबा निराला’ हे पात्र अधिक पसंत केले आहे.
आणखी वाचा – “अरुंधती चुकली आणि ती…”, ‘आई कुठे…’चा नवा प्रोमो पाहून संजनाची बाजू घेत आहेत प्रेक्षक, नेमकं काय घडलं?, म्हणाले, “अनिरुद्ध व तिच्यामध्ये…”
दरम्यान बॉबीची जादू पुन्हा एकदा ओटीटीवर चालेल का? हे पाहण्यासारखे आहे. त्याला ‘ॲनिमल’ या चित्रपटाच्या निमिताने खूप प्रसिद्धी मिळाली. तसेच ‘आश्रम’च्या तिन्ही भागांमध्ये केलेल्या भूमिकेचे प्रचंड कौतुक करण्यात आले आहे. या सीरिजमध्ये बॉबीबरोबर त्रिधा चौधरी, आदिती पोहानकर, ईशा गुप्ता, अनुप्रिया गोयंका, चंदन रॉय सनयाल, दर्शन कुमार, अनुरिता झा या कलाकारांनीही भूमिका साकारल्या होत्या. आता ही सीरिज कधी प्रेक्षकांच्या भेटीला येणार हे पाहणे औत्सुक्याचे ठरणार आहे.
