बॉलिवूड सिनेसृष्टीत असे अनेक कलाकार आहेत ज्यांची मुलं नेहमीच चर्चेत असतात. कलाकारांपेक्षा या कलाकारांची मुलं अनेकदा स्पॉट होताना दिसतात. नेटकरीही या कलाकारांच्या मुलांना पाहण्यासाठी, त्यांच्याबद्दल जाणून घेण्यासाठी नेहमीच उत्सुक असतात. विशेषतः ही कलाकार मंडळी त्यांच्या मुलांना सोशल मीडियावर नेहमीच दाखवताना दिसतात. अशातच चाहत्यांच्या आवडत्या जोडीपैकी एक म्हणजे आलिया भट्ट व रणबीर कपूर. आलिया व रणबीरची मुलगी राहा नेहमीच कोणत्या ना कोणत्या कारणामुळे चर्चेत असते. (Raha Kapoor With Uncle Ayan Mukerji)
प्रसिद्ध बॉलिवूड स्टार्स रणबीर कपूर व आलिया भट्ट यांची मुलगी राहा ही सर्वात प्रसिद्ध स्टार किड आहे. ती कुठेही गेली तरी तिची एक झलक पाहण्यासाठी पापाराझी आतुर असतात आणि राहाची छायाचित्रे सोशल मीडियावर येताच तिचे फोटो वाऱ्यासारखे पसरतात. यावेळी राहा तिचा काका म्हणजेच रणबीरचा खास मित्र अयान मुखर्जीबरोबर स्पॉट होताना दिसली. लहान राहाचे क्युट एक्सप्रेशन पाहून चाहत्यांची तिने मन जिंकली. समोर आलेल्या फोटोंवरून आता चाहत्यांमध्ये अशी चर्चा रंगली आहे की, राहाचा चेहरा आलियासारखा आहे की ती रणबीरसारखी दिसते.
या व्हायरल व्हिडीओवर चाहत्यांकडून अनेक प्रतिक्रिया येत आहेत. एकाने लिहिले आहे की, “ही आलियाची संपूर्ण कॉपी आहे”. तर दुसऱ्या एका युजरने असे लिहिले आहे की, “राहा ही ऋषी कपूरची कॉपी आहे”. एका चाहत्याने “ती नेहमी चिडचिड करत असते?, राहासुद्धा ऋषीसारखी शॉर्ट टेम्पर्ड असेल”, असे म्हटलं आहे. याआधी राहा बरेचदा आलिया व रणबीरसह स्पॉट झालेली दिसली. गेल्यावर्षी ख्रिसमसचे औचित्य साधत आलिया व रणबीरनर राहाची पहिली झलक पापाराजींसह शेअर केली. तेव्हापासून सगळेच आलियाच्या क्युट लूकचे चाहते झाले.
आता राहा अयानसह स्पॉट झालेली दिसली. अयानच्या वर्क फ्रंटबद्दल बोलायचे झाले तर, ‘ब्रह्मास्त्र’ नंतर अयान सध्या ‘वॉर २’ च्या शूटिंगमध्ये व्यस्त आहे. या चित्रपटात हृतिक रोशनबरोबर ज्युनियर एनटीआरही दिसणार आहे. रणबीरबद्दल बोलायचे झाले तर ‘रामायण’ व्यतिरिक्त त्याच्याकडे ‘लव्ह अँड वॉर’ देखील आहे. राहाची आई आलियाही ‘जिगरा’मध्ये दिसणार आहे.