सिनेसृष्टीतील काही कलाकारांनी कलाक्षेत्रातीलच व्यक्तींशी लग्न केलं आहे. अशोक सराफ व निवेदिता सराफ यांच्या प्रेमाचे सूरही अभिनय क्षेत्रातच जुळले. मराठी आणि हिंदी चित्रपटसृष्टीत अशा अनेक नावाजलेल्या जोडपी पाहायला मिळतात. स्टार प्रवाह वाहिनीवरील ‘आई कुठे काय करते’ या मालिकेतील यश हे पात्र साकारणारा अभिनेता अभिषेक देशमुखचीही हटके प्रेमकहाणी आहे. काही दिवसांपूर्वीच प्रदर्शित झालेली ‘ताली’ ही हिंदी वेबसीरीज प्रेक्षकांच्या विशेष पसंती पडली. या वेबसीरिजमध्ये गौरी सावंत यांच्या बालपणाची भूमिका कृतिका देवने साकारली. कृतिका अभिषेकची पत्नी आहे. या दोघांची लव्हस्टोरी नेमकी काय आहे हे जाणून घेऊया.(Abhishek & krutika love story)
अभिषेक व कृतिका हे दोघेही पुण्यामध्ये अभिनय क्षेत्रात करिअर करण्यासाठी आले होते. रंगभूमी जसं एका कलाकाराला उत्तम भूमिका पार पाडण्यासाठी बळ देते तसंच रंगभूमीने या दोघांना एकत्र आणलं. कृतिका ही अभिनय कार्यशाळेत होती त्या दरम्यान अभिषेकची नाटकाची टीम कार्यशाळेतील मुलांशी संवाद साधण्यासाठी आली होती. त्याचवेळी त्या दोघांची मैत्री झाली.
त्याच नाटकाच्या दरम्यान अभिषेकच्या रंगभूमीवरचा वावर कृतिकाच्या पसंतीस उतरला. अनेक एकांकिका आणि नाटकात त्यांनी एकत्र काम केलं. एका नाटकाचा दौरा श्रीलंकेला होता. त्या दौऱ्यादरम्यान त्यांची मैत्री अगदी घट्ट झाली. एकदा नाटकाची तालीम सुरु असताना कृतिकाला हिंदी चित्रपटाच्या ऑडिशनसाठी बोलावण्यात आलं होत. नाटकाची तालीम पुण्यात सुरु होती आणि ऑडिशन देण्यासाठी मुंबईला बोलावलं होत. कृतिका गोंधळात पडली पुण्यावरून मुंबईला कसं जायचं? असा प्रश्न तिला पडला. हे सगळं तिने अभिषेकला सांगितलं आणि तेव्हा अभिषेक म्हणाला, ‘मी तुझ्याबरोबर येतो. आपण ऑडिशनला जाऊया’.
आणखी वाचा :- डोळ्यात पाणी, भावुक अन्…; सई ताम्हणकरने खरेदी केलं नवीन घर, जुन्या घराचा निरोप घेताना म्हणाली, “मला खरंच…”
मुंबई-पुणे प्रवासात त्या दोघांना एकमेकांबद्दलच्या प्रेमाची जाणीव झाली. ऑडिशनला गेल्यानंतर कृतिकाचा अभिनय चित्रपटाच्या दिग्दर्शकला आवडला आणि तीची ‘हवाईझादा’ या चित्रपटासाठी निवड झाली. त्या चित्रपटात बॉलिवूड अभिनेता आयुष्मान खुरानाही होता. अभिनय क्षेत्रात पुढे जाण्यासाठी अभिषेक कृतिकाला मागर्दर्शन त्याचबरोबर प्रोत्साहित करत होता. मैत्री असताना त्यांनी एकमेकांना प्रपोज न करता लग्न करण्याचं ठरवलं. २०१८ साली कुटुंब आणि मित्र- मैत्रिणींच्या उपस्थितीत कोर्ट मॅरेज केलं. आज दोघंही अगदी सुखाचा संसार करत आहे.