सध्या मालिकांमध्ये लग्न सराईची धामधूम पाहायला मिळतेय. यातच भर घालत ‘आई कुठे काय करते’ मालिकेतील अरुंधती आणि आशुतोष हे ही लग्नबंधनात अडकणार आहे. ‘आई कुठे काय करते’ ही मालिका सध्या लोकप्रियतेच्या शिखरावर आहे. या मालिकेत काही दिवसांपासून रंजक वळणे येतच आहेत. अरुंधतीने आशुतोष सोबत लग्न करण्याचा निर्णय घेतल्यानंतर देशमुख कुटुंबातून बऱ्याच चांगल्या वाईट प्रतिक्रिया उमटल्या. आणि अरुंधतीला या सगळ्यातून जावं लागलं.(Aai Kuthe Kay Karte Arundhti Wedding)
अखेर अरुंधती आणि आशुतोषच्या लग्नाचा दिवस आला असून अरुंधती आपल्या आवडीच्या व्यक्तीबरोबर आयुष्य घालवायला मिळणार म्हणून अतिशय आनंदात असलेली पाहायला मिळतेय. ‘Its Majja ला दिलेल्या मुलाखती मध्ये अरुंधतीने तिचा आनंद व्यक्त केला आहे. दरम्यान ती उखाणे घेतानाही दिसतेय. ‘लग्नासाठी बांधल्या मी मोत्याच्या मुंडावळ्या, माझ्या आशुतोषला पडतात दोन दोन खळ्या’ असे म्हणत तिने आशुतोषच्या नावाचा उखाणा घेतला. अरुंधती उखाणा घेताना खूपच खुश दिसत होती.
भगव्या रंगाची पैठणी, हिरवा चुडा आणि चंद्रकोर असा अरुंधतीचा नववधू लुक या दरम्यान पाहायला मिळाला. या मुलाखती दरम्यान अरुंधतीने लग्नाच्या दरम्यान सेटवर असणाऱ्या धावपळी बद्दल ही भाष्य केलंय, यांत तिने बोलताना असे म्हटले आहे की, EXCITEMENT आहे म्हणून त्याचा थकवा कुठे जाणवत नाही. दमण, थकणे हे चालायचं असं म्हणत तिने या धावपळीलाही सोयीस्कर ठरवलंय.(Aai Kuthe Kay Karte Arundhti Wedding)
====
हे देखील वाचा – ‘चला हवा येऊ द्या’ मध्ये श्रेया बुगडेने घेतली सागर कारंडेची जागा
====
अरुंधतीच्या या उखाण्याच्या व्हिडीओवर तिच्या चाहत्यांनी कमेंट करत त्यांना प्रोत्साहित केलं आहे. so cute उखाणा असे एका युजरने म्हटलंय, तर दुसऱ्या एका युजरने अरुंधती आणि आशुतोषला पाठिंबा देत म्हंटलंय की, फुल स्पोर्ट टू आशु आणि अरु. व्हेरी हैप्पी फॉर देम, अरु प्लिज गिव्ह ऑल लव्ह टू आशु.
आशुतोष आणि अरुंधतीच्या लग्नासाठी देशमुख कुटुंबाची लगबग सुरू झाली आहे. देशमुखांच्या घरीच अरुंधती आणि आशुतोषच लग्न पार पडणार आहे. तर हळद, मेहंदी या कार्यक्रमाची लगबगही असणार आहे.
