आज श्रावण महिन्यातील सर्वात महत्वाचा व पवित्र सण रक्षाबंधन साजरा होत आहे. या पवित्र दिवशी बहीण भावाचे औक्षण करून एकमेकांचे रक्षण करण्याचे आजन्म वचन देतात. यानिमित्त अनेक कलाकार त्यांच्या बहिणींसह रक्षाबंधन साजरा करताना दिसत आहे. छोट्या पडद्यावरील ‘आई कुठे काय करते’ या मालिकेतील यश म्हणजेच अभिनेता अभिषेक देशमुखने अनोख्या पद्धतीने रक्षाबंधन साजरा केला. (Abhishek Deshmukh Rakshabandhan)
अभिषेकने ‘इट्स मज्जा’सोबत ‘द वात्सल्य फाऊंडेशन’मध्ये विशेष मुलांसह अनोख्या पद्धतीने रक्षाबंधन साजरा केला. त्याने यावेळी तिथल्या मुलांसह विविध प्रकारचे खेळ खेळत त्यांच्याशी मनसोक्त गप्पा मारल्या आहे. शिवाय, तिथल्या अनेक मुलींनी अभिषेकचे औक्षण करत त्याला राखी बांधली. दरम्यान, हा अनोखा रक्षाबंधन साजरा करताना अभिषेक भारावून गेला होता.
‘इट्स मज्जा’शी संवाद साधताना अभिषेक देशमुख म्हणाला, “यापूर्वी शाळेत मला अनेक मुलींनी राख्या बांधल्या होत्या. त्यामुळे शाळेनंतर बऱ्याच वर्षांनी मला इतक्या राख्या बांधायला भेटलं, याचं खूप आनंद वाटतो.” पुढे तो म्हणाला, “मी खूप समाधानी आहे की, खऱ्या अर्थाने आज श्रीमंत झाल्यासारखे मला वाटत आहे. मला आज एवढ्या बहिणींनी अश्या रीतीने प्रेम दिलंय, खूप मला भरून आलं होतं. हे कायम माझ्या स्मरणात राहील, इतकं छान असं रक्षाबंधन आहे.”
“मला असं वाटतं की, ‘द वात्सल्य फाऊंडेशन’च्या कामाची ते जे मुलांसाठी काम करतात. त्यांचे जे काही मुलांवर प्रेम आहे, ते सगळं मला आज मिळालं. तर त्यांची एक छान किनार मला रक्षाबंधनाच्या निमित्ताने लाभली.” असं अभिषेकने आपल्या भावना व्यक्त केल्या आहे. (Abhishek Deshmukh Rakshabandhan)