मनोरंजनाच्या माध्यमांमध्ये टेलिव्हिजन हे माध्यम प्रेक्षकांसाठी अधिक सोयीचे माध्यम असते. त्यामुळे छोट्या पडद्यावरील मालिका या प्रेक्षकांच्या मनोरंजनाचा अविभाज्य भाग असतात. छोट्या पडद्यावर सध्या अनेक मालिका प्रेक्षकांचे मनोरंजन करत आहेत. यापैकी वर्क मालिका म्हणजे स्टार प्रवाह वाहिनीवरील सुख म्हणजे नक्की काय असतं ही मालिका. छोट्या पडद्यावर सध्या चर्चेत असलेल्या मालिकांमध्ये ‘सुख म्हणजे नक्की काय असतं’ या मालिकेचे नावदेखील अग्रक्रमी आहे. एका श्रीमंत घरात काम करण्यापासून सुरू झालेला गौरीचा प्रवास त्याच घराची मालकीण बनण्यापर्यंत कथा मालिकेत दाखवण्यात आली आहे. (Sukh Mhanje Nakki Kay Asta in Hindi)
जयदीप-गौरी प्रमाणेच नित्या आणि अधिराज ही जोडीही प्रेक्षकांच्या पसंतीस उतरत आहे. मालिकेत येणारे अनेक नवनवीन ट्विस्ट या मालिकेची प्रेक्षकसंख्या वाढवत आहेत. अशातच आता या मालिकेच्या प्रेक्षकसंख्येत आणखी वाढ होणार असून ही प्रेक्षकसंख्या हिंदी असणार आहे. कारण ‘सुख म्हणजे नक्की काय असतं’ ही मराठी मालिका आता हिंदीमध्ये प्रदर्शित होणार आहे. याबद्दल अभिनेत्री गिरीजा प्रभूने स्वतः आपल्या सोशल मीडियावर पोस्ट शेअर केली आहे.
आणखी वाचा – राहुल वैद्यने वांद्रेमध्ये खरेदी केलं आलिशान घर, इतका केला खर्च, दोन महिन्यांपूर्वीच घेतलेली कोट्यवधींची कार
अभिनेत्री गिरीजा प्रभूसह स्टार प्लस या हिंदी वाहिनीने देखील सुख1म्हणजे नक्की काय असतं मालिकेचे पोस्टर शेअर करत याबद्दलची माहिती दिली आहे. सुख म्हणजे नक्की काय असतं ही मराठी मालिका तुम क्या मिले या नावाने हिंदीमध्ये डब होणार असून ही हिंदी मालिका प्रेक्षकांना स्टार प्लस व डिस्नी प्लस हॉटस्टार या ओटीटी माध्यमावर पाहता येणार आहे. सकाळी ११.३० वाजता ही लोकप्रिय मालिका प्रेक्षकांना हिंदीमध्ये पाहता येणार आहे.
दरम्यान, मराठी मालिका हिंदी मध्ये डब होऊन हिंदी प्रेक्षकांपर्यंत पोहोचणे हे मराठी कलाकार तसेच तंत्रज्ञ लोकांसाठी आनंदाची गोष्ट आहे. त्याचबरोबर मराठी प्रेक्षकांसाठीदेखील ही मोठी गोष्ट आहे. त्यामुळे अशा अनेक प्रतिक्रिया देखील प्रेक्षकांनिया व्यक्त केल्या आहेत. अभिनंदन शुभेच्छा मेहनत फळाला आली यांसारख्या अनेक प्रतिक्रियांद्वारे चाहत्यांनी मुख्य कलाकार व इतर सर्वांना शुभेच्छा दिल्या आहेत व त्यांचे अभिनंदन केलं आहे
