हल्ली चित्रपटांच्या रांगाच लागल्या आहेत. एकामागोमाग एक चित्रपट प्रदर्शनाच्या वाटेवर आहेत. आणि प्रदर्शनापूर्वीच या चित्रपटांचं प्रमोशनही जोरदार सुरु असल्याचं पाहायला मिळतंय. अशातच नुकत्याच समोर आलेल्या बातमीनुसार ‘चौक’ या चित्रपटाने एक विधायक पाऊल उचललं आहे. एप्रिल-मे मध्ये शाळांना सुट्या असल्याने अनेक मराठी चित्रपट या महिन्यांत प्रदर्शित होतात.(Chowk Movie Big Announcement)
त्यात ५ मे ला प्रदर्शित होणारा ‘बलोच’ आणि १२ मे ला प्रदर्शित होणारा ‘रावरंभा’ या चित्रपटांना उत्तम प्रतिसाद मिळावा आणि मराठी चित्रपटांची आपापसात स्पर्धा होऊ नये यासाठी बहुचर्चित ‘चौक’ या चित्रपटाने एक कौतुकास्पद पाऊल उचललं आहे. चौक चित्रपटाने आपल्या प्रदर्शनाची १२ मे ही तारीख एक आठवडा पुढे घेतली आहे. आता हा चित्रपट १९ मे रोजी प्रदर्शित होण्यास सज्ज होत आहे.
चौक चित्रपटाने उचललं मोठं पाऊल (Chowk Movie Big Announcement)
मराठी चित्रपटांमधील स्पर्धा टळावी यासाठी या चित्रपटाने घेतलेला निर्णय अर्थात वाखाणण्याजोगा आहे. चौक चित्रपटाने प्रदर्शनाची तारीख पुढे घेत घेतलेला हा निर्णय मराठी चित्रपटसृष्टीत एक उत्तम आदर्श ठरला आहे. सर्व मराठी चित्रपटांना प्रेक्षकवर्ग मिळावा यासाठी उचललं हे विधायक पाऊल आहे. दिग्दर्शक देवेंद्र अरुण गायकवाड, निर्माते दिलीप लालासाहेब पाटील आणि ‘चौक’च्या सर्व टीमने चित्रपटाच्या प्रदर्शनाची तारीख पुढे ढकलली आहे.(Chowk Movie Big Announcement)
यावेळी बोलताना दिग्दर्शक देवेंद्र गायकवाड म्हणाले की, ‘आमच्याच मित्रांचे ‘बलोच’ आणि ‘रावरंभा’ हे चित्रपट मे मध्ये प्रदर्शित होत आहेत. या चित्रपटांना चांगला प्रतिसाद मिळावा यासाठी ‘चौक’ चित्रपटाची १२ मे ही तारीख बदलून आता १९ मे करण्यात आली आहे. त्यामुळे १९ मे रोजी हा चित्रपट सर्वांनी चित्रपटगृहात जाऊनच बघा!’
हे देखील वाचा – तांजानियाच्या किली पॉलला ही पडलीय ‘बहरला मधुमास’ची भुरळ
तर प्रविण तरडे म्हणाले की, ‘इतर चित्रपटांचा विचार करून, आमचा मित्र दया याने त्याचा ‘चौक’ हा चित्रपट एक आठवडा पुढे घेत एक अभिमानास्पद पाऊल उचललं आहे. त्याबद्दल त्याचं अभिनंदन!’(Chowk Movie Big Announcement)
‘चौक’ हा चित्रपट दिग्दर्शक देवेंद्र गायकवाड दिग्दर्शित असून अभिनेते प्रविण तरडे, रमेश परदेशी, किरण गायकवाड, शुभंकर एकबोटे, संस्कृती बालगुडे या कलाकारांची मांदियाळी चित्रपटात पाहायला मिळणार आहे. आता चौक हा चित्रपट १९ मे रोजी संपूर्ण महाराष्ट्रात प्रदर्शित होईल.
