महाराष्ट्राची सांस्कृतिक परंपरा म्हणजे वारी. महाराष्ट्राची ओळख म्हणजे वारी. महाराष्ट्राचे वैभव म्हणजे वारी. संतांची शिकवण म्हणजे वारी. घरुन निघायचे, एखाद्या संताच्या गावी जायाचे आणि त्या ठिकाणावरुन निघणाऱ्या दिंडीसोबत पंढरपूरला जाणे म्हणजे वारी. पंढरपूरला जाऊन विठ्ठूरायाचे दर्शन ‘याची देही याची डोळा घेणे’ म्हणजे वारी. आषाढी वारीच्या निमित्ताने वारकरी मंडळी हळूहळू विठू नामाचा गजर करत पंढरपूरच्या दिशेने प्रवास करतात. हा नयनरम्य सोहळा उभा महाराष्ट्र तल्लीन होऊन पाहत असतो. जीवन समृद्ध करणारी वारी म्हणजे महाराष्ट्र संस्कृतीचे भूषण आहे.
वारीचा हा नेत्रदीपक सोहळा अनुभव अनुभवण्यासाठी अनेक वारकरी पालखीत सहभागी होत असतात. सामान्य वारकऱ्यांबरोबरच मराठी मनोरंजन विश्वातील अनेक कलाकार मंडळीही या वारीत सहभाग घेत असतात. अशातच यंदाच्या वारीत एका मराठी अभिनेत्री सहभागी झाली असून तिने तिच्या वारी सोहळ्यातील खास क्षण तिच्या सोशल मीडियाद्वारे शेअर केले आहेत आणि ही अभिनेत्री म्हणजे ‘३६ गुणी जोडी’ फेम अनुष्का सरकटे.
अनुष्का ही सोशल मीडियावर बरीच सक्रिय असते. सोशल मीडियार ती तिचे अनेक फोटो व व्हिडीओ शेअर करत असते. अशातच तिने नुकताच वारीचा शेअर केलेला व्हिडीओ सध्या सर्वांचे लक्ष वेधून घेत आहे. या व्हिडीओमध्ये अनुष्काने वारीत सहभाग घेतला असून तिने वारीतील वारकऱ्यांशी संवादही साधला आहे. त्याचबरोबर तिने यावेळी वारीतील सहभागी स्त्रियांबरोबर पुरणपोळ्याही बनवल्या. त्याचशिवाय तिने या वारीत स्वत:च्या डोक्यावर तुळसही घेतली आहे. तसेच वारीतील सर्वांशी तिने संवाद साधला आहे.
दरम्यान, तिचा हा व्हिडीओ सध्या सोशल मीडियावर व्हायरल होत असून अनेकांनी तिच्या या कृतीबद्दल कौतुक केलं आहे. अनुष्का सरकटे ही झी मराठीवरील ‘कारभारी लय भारी’ या मालिकेमुळे प्रसिद्धीझोतात आली. अनुष्का सरकटेने यापूर्वी ‘श्री लक्ष्मी नारायण’ मालिकेत प्रमुख लक्ष्मीची भूमिका साकारली होती. ‘मी तुझीच रे’ या मालिकेतून अनुष्काने छोटया पडद्यावर पदार्पण केले. या मालिकेत तिने दिव्याची भूमिका साकारली होती.
