Bigg Boss Ott 3 : ‘बिग बॉस ओटीटी सीझन ३’ ची आणि स्पर्धक युट्युबर अरमान मलिकची सध्या खूप चर्चा होत आहे. बहुपत्नीत्वामुळे त्यांच्यावर टीकाही होत आहे. या स्पर्धकाचे आजवर तीन वेळा लग्न झाले आहे. प्रथम, जेव्हा तो १७ वर्षांचा होता त्यावेळी त्याचे लग्न झाले. त्या लग्नाच्या घटस्फोटानंतर त्याने पायलशी दुसरे लग्न केले आणि नंतर त्याची जिवलग मैत्रीण कृतिकालाही आपली जीवनसाथी बनवले. तिघांच्या संदर्भात सोशल मीडियावर दोन गट पडले आहेत. काहीजण त्यांचे समर्थन करत आहेत तर अनेकजण त्यांच्या नात्यावर टीका करत आहेत. दरम्यान, घरातील सदस्य मुनिषा खटवानी यांनी या तिघांच्या लग्नाचा खरपूस समाचार घेतला आहे. लव कटारिया व विशाल पांडे यांच्यासमोर ती म्हणाला की, “हे लोक कसे झोपत असतील?”.
‘बिग बॉस ओटीटी ३’ सुरु होऊन दोन आठवडे झाले आहेत. घरात रोज नवी नाती निर्माण होत आहेत आणि बिघडत आहेत. अरमानने आपल्या दोन्ही पत्नींसह शोमध्ये प्रवेश केला होता, परंतु त्यापैकी त्याची पहिली पत्नी पायल मलिकला बाहेर काढण्यात आले आहे. यानंतर आता मुनिषा खटवानी आपल्या बहुपत्नीत्वाबद्दल बोलताना दिसली. गेल्या एपिसोडमध्ये विशाल पांडे, लवकेश कटारिया व मुनिषा खटवानी अरमान त्याच्या दोन्ही बायकांबरोबर एकाच छताखाली राहत असल्याबद्दल चर्चा करताना दिसले. पायल स्वतः बिग बॉसच्या घरातून बाहेर पडल्यामुळे कृतिकाला आता अरमानबरोबर घालवायला अधिक वेळ मिळत आहे. हे पाहून पायल मलिकला वाईट वाटेल का, असा प्रश्न विशालला पडला.
याशिवाय मुनिषा विशाल व लवकेशला विचारताना दिसली की ते तिघेही (पायल, अरमान आणि कृतिका) एकत्र कसे झोपतात?, यावर लवकेश हसला आणि म्हणाला की त्याने अरमानला हेच विचारले होते आणि अरमानने त्याला सांगितले होते की, ज्याला कुठेही झोपायचे असेल तिथे तो झोपू शकतो. हे ऐकून विशाल व लव कटारिया दोघेही एकमेकांकडे बघून हसायला लागतात. नंतर मुनिषा म्हणते की, हे तिचे वैयक्तिक आयुष्य आहे. पायल व कृतिकामध्ये चांगले बॉन्ड असल्याचेही तिने सांगितले.
अरमान, कृतिका व पायलचा एक जुना मुलाखतीचा व्हिडीओ सोशल मीडियावर व्हायरल होत आहे. ज्यामध्ये अरमान सांगतो की, “पूर्वी तिघेही एकत्र झोपायचे, पण त्यांना तीन मुले होती. त्यामुळे आता ज्याची इच्छा असेल तो येऊन त्याच्याबरोबर झोपतो”. पायलनेही याला सहमती दर्शवली.