वादग्रस्त तरी तितकाच लोकप्रिय ‘बिग बॉस’ ओटीटीच्या तिसऱ्या पर्वाची सध्या जोरदार चर्चा सुरु आहे. यावेळी अनेक वादग्रस्त चेहरे या कार्यक्रमामध्ये पाहायला मिळत आहेत. युट्यूबर अरमान मालिकदेखील त्याच्या दोन्ही पत्नीबरोबर सहभागी झाला आहे. तिघांच्याही सहभागाने सोशल मीडियावर चांगलीच चर्चा रंगली. सोशल मीडियावर तिघांनाही मोठ्या प्रमाणात ट्रोलदेखील करण्यात आले. कार्यक्रम सुरु झाल्यानंतर अरमान व त्याच्या दोन्ही पत्नीनी त्यांची प्रेमकहाणी सांगितली होती. तसेच त्यानंतर त्यांच्या खासगी आयुष्याबद्दल अनेक खुलासेदेखील केल्याचे पाहायला मिळाले. ‘बिग बॉस ओटीटी ३’चं दुसरं एलिमिनेशन झालं आहे. यामध्ये पायल मलिक नॉमिनेट झाली आणि तिला घराबाहेर पडावं लागलं.
घराबाहेर पडल्यानंतर “मी कमी मतांमुळे बाहेर आले नसून घरातील लोकांनी मला नॉमिनेट केल्यामुळे मला बाहेर पडावं लागलं असल्याच्या भावना तिने एका व्हिडीओद्वारे व्यक्त केल्या होत्या. अशातच मीडियानेदेखील पायलशी खास बातचीत केली तेव्हाही तिने काही खुलासे केले. यावेळी तिने ‘नवभारत’शी साधलेल्या संवादात असं म्हटलं की, “माझ्याकडून कोणतीही चूक झालेली नाही. घरच्यांनी चूक केली आहे. मला चुकीच्या पद्धतीने उमेदवारी देण्यात आली. असे नाही की माझे कुटुंबाशी संबंध चांगले नव्हते. माझे सर्वांशी चांगले संबंध होते, ज्यांनी मला नॉमिनेट केले त्यांनाही वाटले की, त्यांनी चुकीचा निर्णय घेतला आहे”.
यापुढे तिने “सध्या माझ्या घरातील दोन लोक शोमध्ये आहेत. त्यांना पाहून मला आनंद झाला आणि दोघांनीही अंतिम लढतीपर्यंत पोहोचून ट्रॉफी आमच्या घरी आणावी अशी माझी इच्छा आहे” असं म्हटलं. यापुढे पायलने तिच्या अरमानबरोबरच्या नात्याबद्दल असं म्हटलं की, “अनेकांचे म्हणणे आहे की, पती आणि मैत्रिणीची फसवणूक आनंदाने स्वीकारुन पायल समाजाला चुकीचा संदेश देत आहे, तर आम्ही या गोष्टीचे समर्थन करत नाही. ही गोष्ट आमच्या बाबतीत घडली असली तरी कृपया असे करू नका. आम्ही बहुपत्नीत्वाचे समर्थन करत नाही”.
आणखी वाचा – त्रिनयना देवीने नेत्राच्या ओटीत दिलेल्या वस्त्राचं नेमकं रहस्य काय? देवी आई लेकींना नवीन मार्ग दाखवणार का?
दरम्यान, यूट्यूबर अरमान मलिक आणि त्याच्या दोन पत्नी पायल आणि कृतिका सर्वत्र चर्चेत आहेत. त्यांचे वादग्रस्त नाते त्यांना ‘बिग बॉस ओटीटी ३’मध्ये घेऊन गेले आहे. हे तिघे शोमध्ये एकत्र पोहोचले होते, पण पहिल्याच आठवड्यात अरमानची पहिली पत्नी पायल मलिकचा या शोमधून प्रवास संपला आहे.
