‘मुरांबा’ या मालिकेत जान्हवीची भूमिका साकारत घराघरात पोहोचलेली अभिनेत्री म्हणजे स्मिता शेवाळे. स्मिताने या मालिकेतून प्रेक्षकांचं मनोरंजन करत तिच्या सहज अभिनयाने प्रेक्षकांचं मन जिंकलं. परंतु काही दिवसांपुर्वीच तिने या मालिकेतून निरोप घेतला असल्याचं समोर आलं. अभिनेत्रीने आपल्या मुलासाठी ही मालिका सोडल्याचं सांगितलं होतं आणि मुंबईत मुलाची काळजी घेणारं कोणी नसल्याने तिने पुण्यात शिफ्ट होण्याचा निर्णय घेतला. अभिनेत्रीने तिच्या कौटुंबिक कारणामुळे ही मालिका सोडली आहे. (Smita Shewale home)
अशातच स्मिताने तिच्या युट्युब चॅनेलवर तिच्या पुण्यातील घराचा होम टूरचा व्हिडीओ शेअर केला. स्मिताने शेअर केलेल्या या व्हिडीओमध्ये तिच्या पुण्याच्या घराची झलक पाहायला मिळत आहे. स्मिताचं पुण्यात दोन bhk चं घऱ आहे. आणि या प्रशस्त घरात ती तिच्या मुलासह राहते. स्मिताच्या घरातील प्रशस्त हॉल आणि त्यात असलेली भारतीय बैठक लक्ष वेधून घेत आहे. हॉलमध्ये असलेल्या सुंदर अशा बुक शेल्फने साऱ्यांचं लक्ष वेधलं आहे.
इतकंच नव्हे तर जमिनीवर असणार कॉलरफूल bed runner विशेष खास आहे. शिवाय स्मिताच्या घराला ऐसपैस बाल्कनी असलेली पाहायला मिळत आहे. यानंतर घरातील महत्तवाची जागा म्हणजे स्वयंपाकघर. स्मिताने तिच्या घरातील स्वयंपाक घरामध्येही अगदी पद्धतशीर गोष्टी ठेवल्या असल्याचं पाहायला मिळत आहेत. या घरात दोन बेडरुम असून दोन्ही बेडरुम तिने सुंदर रित्या आणि मनाचा विचार करुन सजवलेल्या पाहायला मिळत आहेत.
या दरम्यान लक्ष वेधलं आहे ते स्मिताच्या स्टुडीओ रुमने. स्मिताच्या स्टुडीओ रुममध्ये मन प्रसन्न करणारा असा देव्हारा पाहायला मिळत आहे आणि याचसह या रुममध्ये सुंदर ड्रेसिंग टेबलही पाहायला मिळत आहे. स्मिताने तिचं सुंदर असं छोटंसं घर तिला हवं तस सजवलं आहे. सध्या स्मिता तिच्या चित्रीकरणाच्या व्यस्त श्येड्युलमधून वेळात वेळ काढत तिच्या लेकाला वेळ देत आहे.