झी मराठी वाहिनीवरील ‘सातव्या मुलीची सातवी मुलगी’ ही मालिका सध्या चांगलीच गाजत आहे. याच लोकप्रिय मालिकेतून अभिनेत्री म्हणजे तितीक्षा तावडे प्रेक्षकांचे मनोरंजन करत आहे. तितीक्षाने आजवर अनेक लोकप्रिय मालिकांमधून प्रेक्षकांच्या मनात आपलं घर केलं आहे. याचसह मोठ्या पडद्यावरही भूमिका साकारत तिने प्रेक्षकांचे मनोरंजन केलं आहे. तितीक्षा तावडे ही छोट्या पडद्यावरील सर्वांची लाडकी अभिनेत्री आहे. मात्र अभिनय क्षेत्रात येण्याआधी ती एका हॉटेलमध्ये काम करत होती. याबद्दल स्वत: अभिनेत्रीने भाष्य केलं आहे.
झी मराठी वाहिनीवरील सोशल मीडिया अकाऊंटद्वारे तितीक्षाचा एक व्हिडीओ शेअर करण्यात आला आहे, ज्यामध्ये अभिनेत्रीने तिच्या आयुष्यातील एका मोठ्या निर्णयाबद्दल सांगितलं आहे. तसेच या मोठ्या निर्णयामुळे तिच्या आयुष्यात खूप मोठा फरक पडला असल्याचेही तितीक्षाने संगितले. या आठवणीबद्दल सांगताना तितीक्षा असं म्हणाली की, “अभिनेत्री होण्याआधी मी एके ठिकाणी काम करत होते. माझा एक खूप चांगला जॉब होता. तेवढ्यासाठी मी हॉटेल मॅनेजमेंटचं शिक्षण घेतलं होतं. दोन ते अडीच वर्षे मी त्या जॉबवर रुजू होते. त्यानंतर खूप प्रमोशन वगैरे झालं होतं. पण मग अभिनेत्री व्हायचं जेव्हा ठरवलं तेव्हा मला तो जॉब सोडावा लागला होता आणि यासाठी मी खूप मोठी आर्थिक जोखीम पत्करत होती”.
आणखी वाचा – ‘बिग बॉस ओटीटी’च्या तिसऱ्या पर्वातील पहिला स्पर्धक घराबाहेर, सुप्रसिद्ध स्पर्धकाची आश्चर्यकारक एक्झिट
यापुढे तिने असं म्हटलं की, “ज्याबद्दल मला काहीच ज्ञान नाही त्याठिकाणी मी उडी मारत होते. पण आता मला असं वाटत आहे की, माझ्या आयुष्यातला तो सर्वात चांगला निर्णय होता. त्या एका निर्णयामुळे, त्या एका जोखीमेमुळे आणि ती एक गोष्ट सोडल्यामुळे माझा कायापालट झाला आणि माझ्या आयुष्यात खूप मोठा बदल झाला. त्यामुळे मला आता असं वाटत आहे की, माझ्यासाठी तो अगदी योग्य व मोठा निर्णय होता”.
आणखी वाचा – Video : निलेश साबळे सेटवर स्वतः करत आहे भाऊ कदम व ओंकार भोजनेचा मेकअप, नव्या शोसाठी मेहनत, व्हिडीओ व्हायरल
दरम्यान, तितीक्षा अभिनय क्षेत्रात येण्याआधी मॅकडॉनल्ड या कंपनीमध्ये कामाला होती. या कामाचे तिला चांगले पैसेही मिळत असत. मात्र आपल्यातील अभिनयकला जोपासण्यासाठी तिने तो जॉब सोडत अभिनयाची वेगळी वाट निवडली. त्यानंतर तितीक्षाने अनेक मालिका व काही चित्रपटांत काम करत प्रेक्षकांचे मनोरंजन केलं आहे. सध्या ती सातव्या मुलीची सातवी मुलगी या मालिकेतून नेत्राच्या भूमिकेतून प्रेक्षकांच्या भेटीला येत आहे.