‘तुला शिकवीन चांगलाच धडा’ या मालिकेला प्रेक्षक भरभरुन प्रेम देताना दिसत आहेत. मालिकेत एकामागोमाग एक रंजक वळण येताना पाहायला मिळत आहे. सध्या मालिकेत अक्षरा व अधिपती यांच्यात फुलत जाणार प्रेम पाहायला मिळत आहे. अक्षराला अधिपतीवरील तिच्या प्रेमाची कबुली द्यायला अधिपतीचे वडील चारुहास यांनी सांगितलेलं असतं. मालिकेत अक्षराला चारुहास यांचा पूर्ण पाठिंबा असल्याचं पहिल्या दिवसापासून पाहायला मिळालं आहे. (Swapnil Rajshekhar Daughter)
अधिपती जरी चारुहासला त्याचा बाबा म्हणत नसला तरी चारुहासला कायमचं अधिपतीबाबत काळजी असते. शिवाय भुवनेश्वरीपासून नेहमीच तो तिची सुटका करत असतो. तर चारुहास हा अक्षराला सून म्हणून नाही तर लेक म्हणूनचं स्वीकारतो आणि तिची काळजी घेत असतो. चारुहास म्हणजेच अभिनेते स्वप्नील राजशेखर हे खऱ्या आयुष्यातही बाबा आहेत. घरातच अभिनयाचे बाळकडू लाभलेल्या अभिनेता स्वप्निल राजशेखर यांनी आजवर विविधांगी भूमिका साकारल्या आहेत. नायक, खलनायक तर कधी चरित्र व्यक्तिरेखांमध्ये स्वप्नील नेहमीच पाहायला मिळाले. त्यांची लेक कृष्णा राजशेखर ही देखील सिनेसृष्टीत कार्यरत आहे.
स्वप्नील यांची लेक कृष्णा राजशेखर ही मराठी सिनेसृष्टीतील लोकप्रिय अभिनेत्री आहे. याआधी कृष्णाने मालिका व नाटकांमधून महत्त्वपूर्ण भूमिका करत प्रेक्षकांची मन जिंकली आहेत. सोशल मीडियावरही कृष्णा बऱ्यापैकी सक्रिय असते. नेहमीच ती तिच्या वडिलांबरोबरचे अनेक रील व्हिडीओ शेअर करत असते. कृष्णाही कथक डान्सर आहे. त्यामुळे ती उत्तम डान्स व्हिडीओ शेअर करताना दिसते.
कृष्णाने आजवर चाणक्य या नाटकांत सुमोहाच्या भूमिकेत दिसत आहे. तर ‘लवंगी मिरची’, ‘स्वराज्य सौदामिनी ताराराणी’ या मालिकांमध्येही कृष्णाने महत्त्वपूर्ण भूमिका साकारली आहे. याशिवाय ‘हिमालयाची सावली’ या नाटकांत कृष्णाबाई ही भूमिका तिने साकारली. तिची ही भूमिकाही विशेष गाजली. सध्या कृष्णा चाणक्य या नाटकांतून रंगभूमी गाजवताना दिसत आहे. वडील व मुलीचे सिनेसृष्टीतील काम साऱ्यांच्या पसंतीस पडत आहे.