‘झी मराठी’ वाहिनीवरील ‘पारू’ या मालिकेचा खूप मोठा चाहतावर्ग आहे. अल्पावधीतच या मालिकेला प्रेक्षकांचा भरभरुन प्रतिसाद मिळाला. मालिकेत येणार रंजक कथानक प्रेक्षकांना विशेष भावतंय. मालिकेचं कथानक पारू या पात्राभोवती फिरणार आहे. मालिकेत पारूची भूमिका अभिनेत्री शरयू सोनावणे साकारत आहे. तर आदित्यच्या भूमिकेत अभिनेता प्रसाद जवादेला पाहणं रंजक ठरत आहे. ‘बिग बॉस’मराठीमुळे प्रसाद लोकप्रियतेस आला. याशिवाय प्रसाद चर्चेत आला तो म्हणजे त्याच्या लग्नामुळे. (Amruta Deshmukh And Prasad Jawade)
‘बिग बॉस’ मराठीमध्ये झळकलेल्या अमृता देशमुखसह प्रसादने लग्न केले. प्रसादच्या लग्नाची जोरदार चर्चा रंगलेली पाहायला मिळाली. लग्नानंतर प्रसादने लगेचच कामाला सुरुवात झाली. प्रसाद सध्या पारू या मालिकेत महत्त्वपूर्ण भूमिका साकारताना दिसत आहे. या मालिकेचं चित्रीकरण सध्या सातारा येथे सुरु आहे. त्यामुळे साताऱ्यातचं प्रसादला राहावं लागत आहे. नेहमी मुंबई-पुणे प्रवास शक्य नसल्याने प्रसादने साताऱ्यातचं एक घर घेतलं असून तो तिथेच राहतो.
तर अमृताही अधूनमधून साताऱ्यात प्रसादला भेटायला जात असते. अशातच अमृताने तिच्या युट्युब चॅनेलवरुन एक व्हिडीओ शेअर केला आहे. या व्हिडीओमध्ये अमृता प्रसादकडे साताऱ्यात गेलेली पाहायला मिळत आहे. व्हिडीओमध्ये दोघेही एकत्र पाहायला मिळत आहे. प्रसादला महिन्याभराने ही एक सुट्टी मिळाली आहे. त्यामुळे तोदेखील निवांत असलेला पाहायला मिळत आहे. दोघांनी मिळून सकाळ सकाळ नाश्तासाठी रवा डोसाचा बेत केलेला पाहायला मिळत आहे.
तर बायकोसाठी प्रसादने खास रवा डोसा बनवलेले पाहायला मिळत आहेत. तसेच साताऱ्यात पाऊस असल्याने तिथे लाईट गेली असल्याचं त्यांनी व्हिडीओमध्ये सांगत बालपणी गावाकड्याच्या आठवणी जाग्या झाल्या असल्याचं म्हटलं आहे. दोघेही एकमेकांसह वेळ घालवताना खूप खुश दिसत आहेत. त्यांनतर दोघांनी पावसाचा आनंद लुटत नाश्ता केला. एकूणच दोघेही त्यांच्या या व्हिडीओमधून एकत्र वेळ घालवत खूप खुश असल्याचे दिसत आहे.