‘रेस’ सारख्या चित्रपटात अभिनेत्री समीरा रेड्डीने महत्त्वपूर्ण भूमिका साकारत प्रेक्षकांची मन जिंकली. ही अभिनेत्री आता तिच्या खऱ्या आयुष्यात खूप एन्जॉय करताना दिसत आहे. सोशल मीडियावरही समीरा खूप सक्रिय असते आणि प्रत्येक मुद्द्यावर ती मनमोकळेपणाने भाष्यही करते. अभिनेत्रीला बरेचदा बॉडी शेमिंगमुळे ट्रोल केलं गेलं. तर कधी लठ्ठ म्हटले गेले आहे मात्र हे सत्य समीराने स्वीकारले आहे. पण इंडस्ट्रीमध्ये काम करत असताना, तिला एक वेगळाच धक्कादायक अनुभव आला. हा अनुभव समीराने ‘हिंदुस्तान टाइम्स’वर शेअर केला आहे. (sameera reddy)
अभिनेत्रीने सांगितले की, ती करिअरच्या शिखरावर असताना लोक तिच्यावर स्तनाची शस्त्रक्रिया करण्यासाठी दबाव टाकत होते. अभिनेत्रीने नुकत्याच दिलेल्या एका मुलाखतीत सांगितले की, “माझ्या करिअरच्या शिखरावर असताना नोकरी मिळवण्यासाठी माझ्यावर स्तनाची शस्त्रक्रिया करण्याचा दबाव होता. समीरा सगळेच करतात, तू का नाही? पण मला माझ्या आत असं काही करायचं नव्हतं. आपण काहीतरी चुकीचे लपवत आहोत असे मला वाटत होते. आयुष्य जसे आहे तसे स्वीकारावे. प्लॅस्टिक सर्जरी व बोटॉक्स करवून घेऊ इच्छिणाऱ्या लोकांना माझा विरोध नाही, पण माझ्यासाठी काय योग्य आहे ते मला माहित आहे”.
समीराने पुढे सांगितले की, लोक तिला आता तिच्या त्वचेमुळे अधिक आनंदी व आरामदायी दिसत असल्याचं सांगतात. अभिनेत्रीने सांगितले की, ती २८व्या वर्षी सुंदर दिसत होती. पण वयाच्या ४५व्या वर्षी ती आनंदी व आरामदायी वाटत आहे. समीराने पुढे सांगितले की, जेव्हा ती ४० वर्षांची होती, तेव्हा तिचे वय इंटरनेटवर ३८ दाखवण्यात आले होते.
समीराने असेही सांगितले की, जेव्हा तिने मीडियाच्या जगात प्रवेश केला तेव्हा तिला फिल्टर वापरण्यास सांगितले होते. परंतु अभिनेत्रीने स्पष्ट केले की, ती फक्त तिची खरी त्वचा दाखवेल. हीच तिची खरी ओळख आहे, ज्यासाठी ती आभारी आहे. ३६-२४-३६ फिगरमुळे तिला तिच्या मूळ रुपात राहायला आवडेल.
चित्रपटांपासून दूर राहिल्यानंतर समीरा आपल्या दोन मुलांच्या संगोपनात व्यस्त आहे.
