‘देवो के देव महादेव’ या मालिकेला प्रेक्षकांनी खूप पसंती दिली आहे. या मालिकेतील माता पार्वतीची भूमिका साकारलेली सोनारिका भदोरियाने काही दिवसांपूर्वी बॉयफ्रेंडबरोबर लग्नगाठ बांधली. सध्या ती अभिनयापासून दूर असून आपले वैवाहिक आयुष्य एंजॉय करताना दिसून करताना दिसून येत आहे. तिने तिचा बॉयफ्रेंड विकास परासरबरोबर विवाह केला असून दोघांनी खूप थाटामाटात लग्न केले आहे. तिने आपल्या लग्नाचे सर्व व्हिडीओ व फोटो सोशल मीडियावर शेअर केले आहेत. याबरोरच तिने लग्नानंतर पतीबद्दल एक खुलासा केला आहे. (sonarika bhadoria on husband)
सोनारिकाने नुकताच ‘इटाइम्स’ला एक मुलाखत दिली. या मुलाखतीमध्ये तिने आपल्या वैवाहिक आयुष्याबद्दल भाष्य केले आहे. तसेच लग्नाआधी विकास व तिचे नाते कसे होते याबद्दलही तिने सांगितले आहे. यावेळी विकासनेदेखील लग्न झाल्याची जाणीव होत असल्याचे सांगितले आहे.
यावेळी सोनारिकाने सांगितले की, “मी व विकास गेले नऊ वर्ष एकमेकांना डेट करत आहोत. त्यामुळे लग्न झाल्यामुळे असं वेगळं काही वाटत नाही. आम्ही याबद्दल नेहमी चर्चा करतो. त्यामुळे आम्हाला नेहमी आम्ही लग्न केल्याची जाणीव होते. पण ती जाणिव पूर्णपणे झाली नाही. कदाचीत आम्ही खूप वर्षांपासून एकत्र आहोत त्यामुळे आम्हाला काही वाटत नाही आहे”.
पुढे तिने एक किस्सा देखील शेअर केला आहे. ती त्याबद्दल म्हणाली की, “आम्ही एकदा रात्री जेवणासाठी मावशीच्या घरी गेले होते. तेव्हा आम्ही लग्न झालेलं जोडपं वाटत नाही असे मामा म्हणाले”.
तसेच जेव्हा सोनारिकाचे वजन वाढले होते तेव्हा विकासने कशी काळजी घेतली याबद्दलदेखील तिने सांगितले. ती म्हणाली की, “कोणाचे पती असं करतात की नाही ते माहीत नाही. पण जेव्हापासून आम्ही एकमेकांना डेट करत होतो तेव्हा माझे वजन वाढले तर लगेच बोलायचा. मी टीव्हीवर चांगली दिसणार नाही म्हणून वजन कमी करण्यासाठी प्रोत्साहन द्यायचा. मी तंदुरुस्त राहावी यासाठी मला तो नेहमी प्रोत्साहन द्यायचा. तसेच तो हे सर्व माझ्यासाठी अजूनही करतो”.
सोनारिका व विकास ने ८ फेब्रुवारी २०२४ रोजी उदयपुर येथे धूमधडाक्यात लग्न केले होते. लग्नाचे सर्व फोटो सोशल मीडियावर मोठ्या प्रमाणात व्हायरल झाले होते.
