इंडिगो कंपनीवर भडकला कपिल शर्मा, व्हिडीओ शेअर करताच नेटकऱ्यांनी अभिनेत्यालाच केलं ट्रोल, म्हणाले, ” तू शोमध्ये जसं वागतोस तसं…”

प्रसिद्ध विनोदवीर व अभिनेता कपिल शर्मा त्याच्या ट्विटमुळे चर्चेत आला आहे. ‘इंडिगो फ्लाइट’बाबत ट्विट करत शेअर केलेल्या व्हिडीओमुळे त्याने संताप व्यक्त केला आहे. या फ्लाइटमधून प्रवास करणाऱ्या प्रवाशांना मोठ्या त्रासाला सामोरे जावे लागत आहे. कपिल शर्माने याचे काही व्हिडिओ शेअर केले आहेत. या व्हिडिओमध्ये त्याने त्रासलेले प्रवासी दाखवले आहेत. अभिनेत्याने इंडिगो फ्लाइटवर याबाबत राग व्यक्त केला आहे. (Kapil Sharma Troll)

कपिल शर्माने विमानतळावरील काही व्हिडिओही शेअर केले आहेत, ज्यामध्ये प्रवासी चिंतेत असलेले स्पष्टपणे दिसत आहेत. ट्विटरवर व्हिडिओ शेअर करत कपिल शर्माने लिहिले आहे की, “प्रिय इंडिगो, आधी तुम्ही आम्हाला बसमध्ये ५० मिनिटे थांबायला लावले आणि आता तुमची टीम म्हणतेय की पायलट ट्रॅफिकमध्ये अडकला आहे. काय? खरंच? आम्ही ८ वाजता टेक ऑफ करणार होतो, पण आता ९:२० झाले आहेत. तुम्हाला असं वाटत आहे का, हे १८० प्रवासी इंडिगोमध्ये पुन्हा उड्डाण करतील? याचबरोबर त्याने ‘शेमलेस’ असे लिहिले आहे. सदर व्हिडीओ त्याने इंडिगो फ्लाइटला (#indigo 6E 5149 #shameless) टॅग केला आहे.

आणखी वाचा – “काय कमाल आहे ना बायकांची…”, अभिनेत्रींचे फोटो शेअर करत सिद्धार्थ चांदेकरचं वक्तव्य, म्हणाला, “संकटाच्या, दुःखाच्या काळात…”

कपिल शर्माच्या या व्हिडिओवर अनेकांनी कमेंट केल्या आहेत. दरम्यान शेअर केलेल्या व्हिडीओवरून कपिलवर पलटवार झाला असल्याचं पाहायला मिळत आहे. कपिलच्या या व्हिडिओवर एका नेटकऱ्याने कमेंट करत म्हटलं आहे की, “कपिलजी, तुमच्या शोच्या शूटिंगदरम्यान लोकांना जास्त वेळ वॉशरूम वापरण्याचीही परवानगी नाही. कृपया शांत राहा आणि अतिशयोक्ती टाळा. बरेचदा एक भारताचा सामान्य नागरिक म्हणून प्रत्येकजण रोज यासारख्या अनेक अडचणींचा सामना करत असतो. शांत राहा” असं म्हणत कपिलला शांत केलं आहे.

Dear @IndiGo6E first you made us wait in the bus for 50 minz, and now your team is saying pilot is stuck in traffic, what ? Really ? we supposed to take off by 8 pm n it’s 9:20, still there is no pilot in cockpit, do you think these 180 passengers will fly in indigo again ? Never…

— Kapil Sharma (@KapilSharmaK9) November 29, 2023

आणखी वाचा – लहान असताना अशा दिसायच्या ऐश्वर्या नारकर, एका गोष्टीसाठी आई-वडिलांचेही मानले आभार, म्हणाल्या, “त्यांनी माझे…”

Now they r de boarding all the passengers n saying we will send you in another aircraft but again we have to go back to terminal for security check ???????????????????? #indigo???? pic.twitter.com/NdqbG0xByt

— Kapil Sharma (@KapilSharmaK9) November 29, 2023

तर आणखी एका नेटकऱ्याने कमेंट करत, ‘तू सुपरस्टार आहेस. लोक तुझं उदाहरण घेऊन अनुसरण करतात. म्हणून, प्रतिकूल परिस्थितीत तुझी सर्वोत्तम बाजू दाखव. तू नव्या श्रीमंतांसारखे वागत आहेस. तू कॉमेडी नाईटमध्ये जसं वागतोस तसं सगळीकडे वागू नकोस. काळजी घे” असं म्हणत कपिलला खडेबोल लगावले आहेत.