Chhatrapati Shivaji Maharaj Jayanti : आज १९ फेब्रुवारी. छत्रपती शिवाजी महाराज यांची जयंती. छत्रपती शिवाजी महाराजांच्या जयंतीनिमित्त आज सर्वत्र जल्लोषाचे व उत्साहाचे वातावरण आहे. शिवजयंतीच्या दिवशी देशभरात उत्सव साजरा केला जातो. छत्रपती शिवाजी महाराजांचा आदर्श जपणारे, त्यांच्यावर प्रेम करणारे शिवप्रेमी ठिकठिकाणी कार्यक्रमाचे आयोजन करतात, ढोल ताशाच्या गजरात महाराजांची मिरवणूक काढतात. काही शिवप्रेमी तर महाराजांच्या गड किल्ल्यांची स्वच्छता करतात. याशिवाय महाराजांवर आधारित अनेक चित्रपटही रसिकांच्या भेटीस आले आहेत. बॉलिवूडमधील ऐतिहासिक घटना आणि पात्रांवर केलेले बरेच चित्रपट हिट ठरले तर या पात्रांनी बर्‍याच कलाकारांच्या कारकीर्दीलाही नवीन भूमिका दिली आहे.
छत्रपती शिवाजी महाराज ही भारतीय इतिहासाची एक मोठी व्यक्ती आहे आणि चित्रपट निर्मात्यांसाठीही ती आवडती निवड आहे. आज आपण असा अभिनेत्यांविषयी जाणून घेणार आहोत ज्यांनी स्क्रीनवर छत्रपती शिवाजी महाराजांची भूमिका साकारली आहे. २००९ मध्ये बॉलिवूडचे प्रसिद्ध चित्रपट निर्माते आणि अभिनेता महेश मंजरेकर यांनी छत्रपती शिवाजी महाराज यांची भूमिका साकारली होती. या चित्रपटातील त्यांची व्यक्तिरेखा प्रेक्षकांना विशेष भावली.
आणखी वाचा – ‘छावा’साठी विकी कौशलला तगडं मानधन, पण इतर पाच कलाकारांना देण्यात आली फक्त इतकीच फी कारण…
हिंदी सिनेविश्वातील दिग्गज अभिनेते नसरुद्दीन शाह यांनीही श्याम बेनेगलच्या प्रसिद्ध शो ‘भारत एक खोज’ मध्ये छत्रपती शिवाजी महाराजांची भूमिका साकारली. तर अभिनेता अमोल कोल्हे यांनी अनेक वेळा छत्रपती महाराजांची भूमिका साकारली आहे. चित्रपटाशिवाय त्यांनी ‘राजा शिवशत्रपती’ या टीव्ही शोमध्ये हे पात्र देखील साकारले आहे. जे कोरोना कालावधीत टेलीकास्ट झाले होते. अनेक टीव्ही शो आणि चित्रपटांमध्ये जोरदार अभिनय करणारे शरद केळकर देखील या यादीमध्ये आहेत.
ओम राउतच्या ‘तान्हाजी: द अनसांग योद्धा’ या चित्रपटात शरद केळकर यांनी राजे शिवाजी यांची भूमिका साकारली. जी प्रेक्षकांना विशेष आवडली. बॉलिवूडचा खेळाडू अक्षय कुमार देखील या प्रतीकात्मक पात्रात दिसला आहे. महेश मंजरेकर यांच्या मराठी चित्रपटात त्याने महाराजांची भूमिका साकारली.
