Saif Ali Khan Attacked : सैफ अली खानवरील हल्ला प्रकरणात मोठा ट्विस्ट समोर आला आहे. आतापर्यंत सोशल मीडियावर याची चर्चा होत असतानाच आता आरोपी शहजादच्या वडिलांनीही धक्कादायक वक्तव्य केले आहे. या प्रकरणी पोलिसांनी अटक केलेल्या शहजादचे वडील रुहेल अमीन फकीर यांनी सैफच्या घरातील सीसीटीव्हीमध्ये दिसणारा संशयित हा त्यांचा मुलगा नसल्याचे सांगितले आहे. गेल्या गुरुवारी रात्री सैफ अली खानवर झालेल्या हल्ल्यानंतर पोलिसांनी अनेक संशयितांना अटक केली आणि अखेर त्यांनी आरोपींना पकडल्याचा दावा केला. या घटनेनंतर दोन दिवसांनी पोलिसांनी मोहम्मद शरीफुल इस्लाम शहजाद याला ठाणे परिसरातून १९ जानेवारीला अटक केली. आता शहजादच्या वडिलांचे वक्तव्य समोर आले आहे, जे धक्कादायक आहे.
शहजादच्या वडिलांचे नाव रुहेल अमीन फकीर आहे. त्यांनी केलेलं वक्तव्य पोलिसांच्या दाव्याच्या विरोधात असल्याचे दिसते. सैफवर झालेल्या हल्ल्यानंतर सीसीटीव्हीमध्ये दिसणारा हा आपला मुलगा नसल्याचे त्याने म्हटले आहे. ‘एबीपी न्यूज’ने शेहजादच्या वडिलांशी संवाद साधला. त्याला व्हॉट्सॲपवर सीसीटीव्ही आणि त्याचा मुलगा दोघांचाही फोटो पाठवण्यात आला होता, त्यावर त्याच्या वडिलांनी दावा केला की दोघेही वेगळे आहेत. पोलिसांनी सीसीटीव्हीमध्ये दाखवलेला फोटो दुसऱ्या कोणाचा असल्याचे खुद्द अमीन यांचे म्हणणे आहे.
आणखी वाचा – महाकुंभ मेळ्याला पोहोचले अनुपम खेर, गंगेत स्नान करताना डोळ्यांत पाणी, म्हणाले, “आयुष्य सार्थकी लागलं कारण…”
याबाबत बोलताना ते म्हणाले, “मी त्याचा बाप आहे, हे नीट पाहूनच सांगतोय. सैफच्या घरातील सीसीटीव्हीमध्ये दिसणारा संशयित हा माझा मुलगा नाही. ज्याला अटक करण्यात आली आहे तो माझा मुलगा आहे. पायऱ्यांवर दिसला तो माझा मुलगा नाही. मी त्याचा बाप आहे. सीसीटीव्हीमध्ये दाखवलेली व्यक्ती माझ्या मुलासारखी उंची आणि शरीरयष्टी नाही. मी तो फोटो अनेकवेळा पाहिला आहे, माझ्या घरच्यांनाही दाखवला आहे”. शहजादचे वडील पुढे म्हणाले, “तुमचा एवढा मोठा देश आहे, प्रत्येकाचा चेहरा एक दुसऱ्यासारखा आहे. दोन्ही चित्रं खूप वेगळी आहेत, दोघांमध्ये खूप फरक आहे. पोलिसांनी माझ्या मुलाला चुकीच्या पद्धतीने अटक केली आहे. माझा मुलगा कधीही असे केस ठेवत नाही”, असेही रुहेल यांनी सांगितले.
सीसीटीव्हीमध्ये दिसणारे त्याचे केस पुढे सरकत आहेत. या घटनेनंतर शहजादने केस कापल्याचे पोलिस सांगत असल्याचे रुहेलला सांगण्यात आले. यावर रुहेल म्हणाले, “मी त्याचा पिता आहे. त्याचे केस कापले तरी मी त्याला ओळखेन”. मात्र, प्रत्येक प्रकारे तपास करुन कसून चौकशी करुनच ते इथपर्यंत पोहोचल्याचे पोलिसांचे म्हणणे आहे. दुसरीकडे, हे हाय-प्रोफाइल प्रकरण आहे आणि आता हा दावा एका आरोपीचे वडील म्हणून त्यांनी केला आहे, त्यामुळे त्याचीही चौकशी होणे आवश्यक आहे.
