‘झी मराठी’ वाहिनीवरील पारू ही मालिका सुरु झाल्यापासून चर्चेत आलेली पाहायला मिळाली. अल्पावधीतच या मालिकेला प्रेक्षकांनी भरभरुन प्रतिसाद दिलेला पाहायला मिळाला. मालिकेचं कथानक गावाकडून येणाऱ्या पारू या पात्राभोवती फिरत आहे. सदर कथानकात आलेल्या रंजक वळणामुळे मात्र प्रेक्षकांचा हिरमोड झालेला पाहायला मिळत आहे. मालिकेत ऍड शूटचं सत्य समोर आल्याने खूप मोठं वादळ आलेलं पाहायला मिळत आहे. हे घोंगावणार वादळ सध्या मालिकेत टर्निंग पॉईंट आणणार आहे, असं वाटत आहे. (Paaru serial troll)
मालिकेत असं पाहायला मिळत आहे की, ऍड शूटचं सत्य आता सगळ्यांसमोर आलं आहे. हे सत्य ऐकून अहिल्यादेवींचा रागही अनावर झाला आहे. त्यांनी या रागाच्या भरात पहिल्यांदा आदित्यवर हात उचलला. यामुळे आदित्य व अहिल्यादेवी दोघांनाही वाईट वाटलं असून त्यांना अश्रूही अनावर झाले आहेत. इतकंच नव्हे तर संपूर्ण किर्लोस्कर कुटुंब या वादळात कोलमडून गेलं आहे. तर इकडे पारूही या सगळ्याचं खापर स्वतःवर फोडून घेत आहे.
मालिकेच्या या समोर आलेल्या प्रोमोवर नेटकऱ्यांनी कमेंट करत नाराजी व्यक्त केली आहे. हा व्हिडीओ शेअर करताच मालिकेचा प्रोमोवर कमेंट करत नेटकरी भडकले आहेत. पारूला अधिक महत्त्व दिलं असल्याने नेटकऱ्यांनी संताप व्यक्त केला आहे. तसेच मालिकेच्या बदलत्या कथानकामुळे ही मालिका आता प्रेक्षकांना खटकू लागली आहे. त्यामुळे आता नेटकऱ्यांनी मालिकेला ट्रोलही करायला सुरुवात केली आहे.
नेटकऱ्यांनी या मालिकेला कमेंट करत ट्रोल केलं आहे. “मोलकरणीला एवढं महत्त्व का?”, “सध्या मालिका बोगस होत चालली आहे. बंद करा. एवढा पण अविचारीपणा नसावा”, “ती अडाणी पारू आणि ते दोघे आदित्य व त्याचा भाऊ शिकले सवरलेले बैल बिनडोक होते ते माहितीच होतं पण ही सतत स्वतःची लाल करत बसणारी महाराणीदेखील त्यांच्या एवढीच बिनडोक असेल असं वाटलं नव्हतं. शूटिंगच्या लग्नाला ही महामायासुद्धा एवढं महत्त्व देते”, “एवढं सगळं होऊन बिनडोक पारू मंगळसूत्र घालून बसली आहे”, “ओव्हरऍक्टिंग पारू”, अशा अनेक कमेंट करत ट्रोल केलं आहे.
