Vicky Kaushal Helps Rashmika Mandanna : विकी कौशलचा बहुप्रतिक्षित ‘छावा’ या चित्रपटाचा ट्रेलर सोशल मीडियावर तुफान व्हायरल होत आहे. नुकताच या चित्रपटाचा ट्रेलर लॉन्च सोहळाही दणक्यात साजरा केला. विकी आणि चित्रपटाच्या संपूर्ण टीम व्यतिरिक्त या कार्यक्रमात रश्मिका मंदाना देखील उपस्थित होती. रश्मिकाच्या पायाला दुखापत झाली असून ती लंगडत असतानाही ती तिच्या चित्रपटाच्या ट्रेलर लॉन्चमध्ये सहभागी होण्यासाठी आली होती. यावेळी विकी कौशल अभिनेत्रीची काळजी घेताना दिसला. दुखापतीमुळे रश्मिका लंगडत असल्याचे विकी कौशलने पाहिले तेव्हा तो लगेच तिच्या मदतीसाठी पुढे आला. विकीने रश्मिकाचे दोन्ही हात धरले आणि हळूच तिला स्टेजवर चढण्यास मदत केली. त्यानंतर तिला खुर्चीवर बसवले. विकीचा हा मदत करण्याचा स्वभाव पाहून रश्मिका हसली आणि त्याची चाहती झाली.
विकी व रश्मिकाचा हा व्हिडीओ सोशल मीडियावर व्हायरल होत आहे. एका पापाराझीने रश्मिका मंदाना आणि विकी कौशलचा हा व्हिडीओही शेअर केला आहे, ज्यावर अनेक कमेंट येत आहेत. चाहत्यांनी विकीचे कौतुक केले आणि तो खूप चांगल्या स्वभावाचा असल्याचे सांगितले, तर काही नेटकऱ्यांनी रश्मिकाला ट्रोल करण्यास सुरुवात केली. नेटकरी म्हणाले की, “ती जखमी झाली आहे मग अशी घाईत का चालत आहे? ती व्हीलचेअर देखील घेऊ शकते”.
आणखी वाचा – Video : ‘नवरी मिळे हिटलरला’च्या सेटवर क्रिकेटचा खेळ, लीलाच्या सासूची दमदार बॅटिंग, व्हिडीओ समोर
तर एका यूजरने लिहिले की, “इतकं नाटक करायची काय गरज आहे? जर तुम्हाला चालण्यात अडचण येत असेल तर तुम्ही क्रॅच स्टिक वापरु शकता. असे करुन तिची अवस्था बिकट होत आहे. रश्मिकाने जरा आधार घ्यावा”. तर दुसऱ्या यूजरने लिहिले, “एवढी उडी का? आधार मिळाला की ती हळू आणि आरामात चालू शकते. तर एकाने म्हटले आहे की, “एवढ्या उड्या मारण्याचे नाटक का करतेय?”. युजर्सच्या अशा असंवेदनशील कमेंट्स पाहून चाहते संतप्त झाले आणि त्यांच्यावर टीका करु लागलेत.
दोन आठवड्यांपूर्वी जिममध्ये वर्कआऊट करताना रश्मिका मंदान्नाच्या पायाला दुखापत झाल्याची माहिती आहे. याबद्दल अभिनेत्रीने सोशल मीडियावर सांगितले होते. पण बुधवारी जेव्हा ती मुंबई आणि हैदराबाद विमानतळावर व्हीलचेअरवर बसून लंगडत चालताना दिसली तेव्हा तिच्या पायाला फ्रॅक्चर झाल्याचे दिसून आले. ‘छावा’ बद्दल बोलायचे तर यात अक्षय खन्ना देखील आहे. तो औरंगजेबाच्या भूमिकेत आहे. विकी कौशल छत्रपती संभाजी महाराजांच्या भूमिकेत असून रश्मिका या चित्रपटात राणी येसूबाईची भूमिका साकारताना दिसणार आहे. हा चित्रपट १४ फेब्रुवारीला प्रदर्शित होणार आहे.
