बॉलिवूड अभिनेत्री राखी सावंतबाबत खूप मोठी अपडेट समोर आली आहे. राखीला काल रुग्णालयात दाखल करण्यात आले आहे. राखीच्या पोटात व छातीत दुखत असल्याने तिला हॉस्पिटलमध्ये दाखल करण्यात आलं आहे. सध्या राखीवर रुग्णालयात उपचार सुरु आहेत. यानंतर आता राखी सावंतचा माजी पती रितेश सिंगने एक महत्त्वाचा खुलासा केला आहे. रितेशने सांगितले की, राखी सावंतला कॅन्सर होण्याची शक्यता आहे. मात्र, डॉक्टरांकडून या गोष्टीला अद्याप दुजोरा मिळालेला नाही. (Tumour discovered in Rakhi Sawants uterus)
समोर आलेल्या अहवालानुसार राखीवर उपचार सुरु असून चाचण्या झाल्या आहेत. मात्र या चाचण्यांचे अहवाल येणे बाकी आहेत. रितेशने सांगितले की, रुग्णालयात दाखल केल्यानंतर डॉक्टरांना राखी सावंतच्या गर्भाशयात ट्युमर असल्याचे समजले. त्याची तपासणी डॉक्टर करत आहेत. राखी सावंत कॅन्सरने ग्रस्त असण्याची शक्यता प्राथमिक तपासात समोर आली आहे. मात्र, डॉक्टर अजूनही तपास करत आहेत. डॉक्टरांनी अद्याप याची पुष्टी केलेली नाही.
राखी सावंतने मंगळवारी छाती व पोटात दुखत असल्याची तक्रार केली होती. त्यानंतर अभिनेत्रीला रुग्णालयात दाखल करण्यात आले. राखी सावंतच्या पोटात प्रचंड दुखत होते. त्यानंतर डॉक्टर तिची तपासणी करत आहेत. रितेशने ‘न्यूज१८’ला दिलेल्या मुलाखतीत याचा खुलासा केला आहे. राखी सावंत लवकर बरी व्हावी यासाठी रितेशने चाहत्यांना प्रार्थना करण्याचे आवाहनही केले आहे. रितेशने सांगितले की, “राखीने तिचे व्यक्तिमत्त्व असे बनवले आहे की तिला कोणीही गंभीरपणे घेत नाही. मात्र राखी सध्या संकटातून जात आहे”.
‘बिग बॉस १५’मध्ये रितेश व राखी सहभागी झाले होते. इथून दोघांची मैत्री झाली. त्यांनतर रितेश व राखीचे लग्न झाले. तथापि, त्यांचे लग्न फार काळ टिकले नाही आणि २०२२ मध्ये शो संपताच दोघेही वेगळे झाले. रितेशनंतर राखी सावंतने आदिल दुर्राणीसह लग्न केले. या लग्नाबाबतही अनेक बातम्या आल्या होत्या. आता रितेशने चाहत्यांना राखी सावंतसाठी प्रार्थना करण्याचे आवाहन केले आहे.
