झी मराठी वहिनीवरील ‘तुला शिकवीन चांगलाच धडा’ ही मालिका प्रेक्षकांचे चांगलेच लक्ष वेधून घेत आहे. मालिकेत सध्या अधिपती व अक्षरा यांच्या प्रेमाचा ट्विस्ट पाहायला मिळत आहे. अक्षराला अधिपतीविषयी प्रेमभावना वाटत आहे, मात्र तिला तिचे प्रेम अधिपतीसमोर व्यक्त करता येत नाहीये. अधिपतीविषयी तिला वाटत असलेलं प्रेम तिने व्यक्त करावे यासाठी तिचे सासरे म्हणजेच चारूहास तिला आग्रह करत आहेत.
मालिकेत नुकत्याच झालेल्या भागात अधिपती चारूहास यांना ती अधिपती यांना भेटायला गेल्याचे सांगते. मात्र तिने अधिपतीला तिचे प्रेम व्यक्त केले नसल्याचे सांगते. यावर चारूहास तिला तिने अधिपतीकडे तिचे प्रेम व्यक्त का केले नाही? याबद्दल प्रेमाने ओरडतातही. यावेळी चारूहास अक्षराला घरची काळजी न करता त्वरित अधिपतीकडे जायला सांगतात. यानंतर अक्षरा तिच्या रुममध्ये येते.
रुममध्ये आल्यानंतर अक्षरा आजीलाही अधिपतीविषयी सांगते. मला अधिपतीविषयी जे काही वाटतं आहे ते मी आता त्यांना सांगणार आहे. यावेळी आजीदेखील अक्षराची मस्करी करतात. यावर आजी अक्षराला तिला नेमकं काय वाटत आहे? हे सांगण्याची इच्छा व्यक्त करतात. मात्र अक्षरा त्यांना नकार देते. यावर आजी पुन्हा अक्षराला असं म्हणतात की तिने काही खरं काही सांगितलं नाही तर त्या अधिपतीला जाऊयान विचारतील.
आणखी वाचा – अमोलने काढलं आई-वडिलांचं चित्र, अर्जुनचं सत्य सिंबाला माहित झाल्याचे अप्पीला कळणार का?, पुढे काय घडणार?
यानंतर अक्षरा अधिपतीविषयी त्यांना वाटत असलेले प्रेम आजीसमोर व्यक्त करतात. यावेळी अक्षरा असं म्हणते की, “अधिपती शिकलेले नव्हते, अडाणी होते. त्यामुळे त्यांचा मला राग यायचा. मात्र आमचं लग्न झालं आणि लग्नानंतर मला यांच्यातील माणूस कळायला लागला. त्यांच्यामुळे मला कळलं की, “शिक्षणाचा व चांगलं माणूस असण्याचा काहीही संबंध नाही” आणि हेच मला त्यांना कोल्हापुरी भाषेत सांगायचं आहे.
आता मालिकेत एकीकडे अक्षरा व अधिपती यांचातील प्रेम बहरतानाचे पाहायला मिळत आहे. तर दुसरीकडे सरगम मॅडम अधिपती-अक्षरा यांच्या नात्यात अडथळा आणण्याचा प्रयत्न करणार आहे. त्यामुळे मालिकेच्या पुढील भागांत अक्षरा अधिपतीकडे तिचं प्रेम कसं व्यक्त करणार? हे पाहण्यासाठी प्रेक्षक खूपच उत्सुक आहेत.