‘तुला शिकवीन चांगलाच धडा’ या मालिकेत सध्या अक्षरा-अधिपतीमध्ये दुरावा आल्याचा सीक्वेन्स सुरु आहे. सतत होणाऱ्या भांडणांना कंटाळून अधिपती अक्षराला घर सोडून जाण्याचा सल्ला देतो आणि अक्षरा घर सोडून निघून जाते. त्यानंतर मालिकेत अक्षराच्या गरोदर असल्याचा ट्विस्ट पाहायला मिळत आहे. गेले काही दिवस अक्षरा-अधिपती यांच्यात अबोला आहे आणि हा अबोला कमी होण्याऐवजी आणखीच वाढताना दिसत आहे. अशातच मालिकेत नुकतीच अक्षराच्या परदेशातील मित्राची एन्ट्री झाली. या मित्रामुळे अधिपती व अक्षरा यांच्या नात्यात दुरावा आल्याचे पाहायला मिळत आहे. मालिकेत नुकताच हा सीक्वेन्स पाहायला मिळाला. (Tula Shikvin Changlach Dhada serial update)
नुकत्याच झालेल्या भागात अक्षराने मॅकच्या खांद्यावर डोकं ठेवलेलं असतानाच तिथे नेमका अधिपती येतो आणि त्या दोघांना एकत्र बघून अधिपतीच्या मनात त्यांच्याविषयी गैरमसज निर्माण होतो. यामुळे अक्षरा आपली फसवणूक करत आहे या विचाराने अधिपतीचे डोळे पाणवतात. अशातच आता दोघांमधील नात्यात आणखी दुरावा येणार आहे. मालिकेच्या आगामी कथानकाशी संबंधित एक प्रोमो नुकताच प्रेक्षकांच्या भेटीला आला आहे.
झी मराठी वाहिनीने शेअर केलेल्या या प्रोमोमध्ये एकीकडे अक्षराची बहीण इराला तिच्या नावाने पत्र आल्याचे सांगते. तर दुसरीकडे भुवनेश्वरी अधिपतीसाठी पत्र आल्याचे सांगते. पुढे दोघे ही पत्र उघडतात तेव्हा अक्षराच्या हातात असलेल्या पत्रात अधिपतीने असं लिहिलेलं असतं की, “आम्ही तुमच्यासही घाई गडबडीत लग्न केलं तेव्हा असं वाटलं होतं की संसार कराल पण तुम्ही संसाराची शाळा केली”. तर अक्षराच्या पत्रात आता आपण संसार करु शकतो हे मला वाटत नाही” असं लिहिलेलं असतं.
आणखी वाचा – बाळासाहेब ठाकरेंचा नातू ऐश्वर्य ठाकरेचं बॉलिवूडमध्ये पदार्पण, अनुराग कश्यपबरोबर चित्रपट करणार, मोठी घोषणा
अधिपती व अक्षरा यांना हे पत्र वाचून मोठा धक्का बसल्याचं या प्रोमोमधून दिसटत आहे. त्यामुळे आता दोघांना आलेली ही पत्रे नेमकी कुणी पाठवली आहेत?, या पत्रामुळे अधिपती-अक्षरा यांच्या नात्यात काय बदल होणार? दोघांमधील गैरसमज दूर करण्यात ते यशस्वी होणार का? हे आगामी भागात प्रेक्षकांना पाहायला मिळणार आहे. त्यामुळे आता ‘तुला शिकवीन चांगलाच धडा’ ही मालिका कोणतं नवीन वळण घेणार? हे पाहणं महत्त्वाचं ठरणार आहे.
