झी मराठीवरील ‘तुला शिकवीन चांगलाच धडा’ ही मालिका प्रेक्षकांच्या विशेष पसंतीस पडत आहे. मालिकेत येणाऱ्या रंजक वळणांमुळे ही मालिका सध्या प्रेक्षकांचे भरभरून मनोरंजन करत आहेत. ‘तुला शिकवीन चांगलाच धडा’ या मालिकेत अक्षरा, अधिपती, भुवनेश्वरी, चारूहास, सरगम या पात्रांचा अभिनय पाहणंही रंजक ठरत आहे. मालिकेत येणाऱ्या रंजक वळणांमुळे ही मालिका प्रेक्षकांचे चांगलेच मनोरंजन करताना पाहायला मिळत आहे. मलिकेत अधिपती-अक्षरा यांच्या संसारात विघ्न आणण्यासाठी भुवनेश्वरीने सरगम मॅडमला आणले आहे.
एकीकडे सरगम शिकवणी सोडून अधिपतीच्या जवळ जाण्याचा, त्याच्याशी संवाद साधण्याचा प्रयत्न करत असल्याचं पाहायला मिळत आहे. तर दुसरीकडे अधिपती व अक्षरा यांच्यातील प्रेम बहरतनाचेही पाहायला मिळत आहे. अशातच मालिकेचा एक नवीन व्हिडीओ समोर आला आहे. यामध्ये चारूहास अधिपतीला तिला अधिपतीविषयी वाटत असलेल्या प्रेमाबद्दलची जाणीव करून देतानाचे पाहायला मिळत आहे.
अधिपतीला गाणं शिकायचे नसतानादेखील भुवनेश्वरी अधिपतीने गाणं शिकावं म्हणून त्याला हट्टाने सांगत आहे. अधिपतीने गाणं शिकण्याच्या निमित्ताने सरगम मॅडमच्या जवळ येईल आणि त्यामुळे सरगम मॅडम त्याला तिच्या प्रेमाच्या जाळ्यात अडकवतील आणि त्यामुकले अधिपती व अक्षरा यांच्यात फुट पडेल असं भुवनेश्वरीला वाटत आहे. अशातच अक्षरा चारूहास यांना अधिपतीविषयी वाटत असलेल्या प्रेमाबद्दल सांगत आहे.
त्यामुळे अक्षराला तिचे सासरे अधिपतीला घेऊन कुठेतरी बाहेर जाण्याविषयी सुचवतात. एकमेकांबरोबर वेळ घालवा आणि तिथे तिला त्याच्या प्रेमाबद्दल सांग. तुझी सगळी शक्ती व वेळ फक्त त्याच्यावर खर्च कर. त्याच्याविषयी तुला वाटणाऱ्या प्रेमाची भावना व्यक्त कर असंही ते म्हणतात.
दरम्यान, सरगम मॅडमची मदत घेऊन भुवनेश्वरीचा अधिपती व अक्षरा यांच्यामध्ये दुरावा आणण्याचा प्रयत्न करत आहे. मात्र चारूहास सूनेला अधिपतीकडे तिचे प्रेम व्यक्त करण्याविषयीचा सल्ला देत आहे. त्यामुळे आता भुवनेश्वरीच्या इच्छेप्रमाणे अधिपती-अक्षरा वेगळे होणार का?, की त्यांचे प्रेम आणखी बहरणार? हे आगामी भागांमध्ये पाहणे उत्सुकतेचे ठरणार आहे.