‘तुला शिकवीन चांगलाच धडा’ या मालिकेच्या कथानकात सध्या भुवनेश्वरीचं सत्य सूर्यवंशी कुटुंबीयांसमोर उघड झाल्याचा पाहायला मिळत आहे. गेल्या काही दिवसांपासून भुवनेश्वरी चारुलताच्या रुपात सूर्यवंशी कुटुंबात राहत असते आणि अक्षराला वेडं ठरवण्याचा प्रयत्न करते. पण, ऐनवेळी अक्षरा तिची चोरी पकडते आणि भुवनेश्वरी-चारुहासच्या लग्नाचा डाव उधळून लावते. अक्षरावर सुरुवातीला कोणीही विश्वास ठेवण्यास तयार नसतं. पण, हळुहळू मास्तरीण बाई बजरंग विरोधात मोठा पुरावा गोळा करते. त्याच्याकडून हुशारीने सत्य वदवून घेत, अक्षरा हे रेकॉर्डिंग भर लग्नात लावते. यामुळे चारुहास भुवनेश्वरीवर भयंकर संतापतो आणि लग्न मोडतो. (Tula Shikvin Changlach Dhada serial update)
मात्र अधिपती त्याच्या आईची बाजू घेत सगळ्या प्लॅनची आधीच कल्पना असल्याचं मान्य करतो. यामुळे अक्षराला मोठा धक्का बसतो. अधिपतीने विश्वासघात केल्याची भावना तिच्या मनात निर्माण होते. पण, या सगळ्यातून हार न मानता भुवनेश्वरीचा खोटा चेहरा सर्वांसमोर उघड करायचा असं अक्षरा ठरवते. अशातच गेल्या भागात अक्षराने बजरंग बजरंगच्या मदतीने भुवनेश्वरीचा डाव उधळून प्रयत्न केला. पण आता बजरंगने पलटी मारली आहे.
आणखी वाचा – विक्रांत मेस्सीचा बहुचर्चित ‘द साबरमती रिपोर्ट’ आता ओटीटीवर येणार, कधी व कुठे पाहता येणार? जाणून घ्या…
मालिकेच्या नवीन कथानकाचा प्रोमो नुकताच शेअर करण्यात आला आहे आणि या नवीन प्रोमोमध्ये बजरंगने भुवनेश्वरीला पाहताच पलटी मारली आहे. या नवीन प्रोमोमध्ये बजरंग अक्षराला असं म्हणतो की, “तुम्ही काल ववेगळं बोलत होता आणि आज वेगळं बोलत आहात”. यावर अक्षरा त्याला “मी काय काल वेगळं बोलली?” असा प्रश्न विचारते. यावर बजरंग तिला उत्तर देत असं म्हणतो की, “तुम्हीच मला काल एक ऑफर दिली होती”. यावर अक्षरा पुन्हा त्याला “कसली ऑफर?” असा प्रश्न विचारते.
यानंतर बजरंग असं म्हणतो की, “तुम्हीच मला सांगितलं होतं की, अधिपतीसमोर असं बोल की भुवनेश्वरीने मला जेलबाहेर काढलं”. त्यामुळे साहजिकच बजरंगने ऐन वेळी अक्षरासमोर पलटी मारली आहे आणि तिला सर्वांसमोर खोटं ठरवलं आहे. त्यामुळे आता या सगळ्यात अक्षराला कुणाची साथ लाभणार? आणि भुवनेश्वरीचा खरा चेहरा सर्वांसमोर आणण्याची धडपड यशस्वी होणार का? हे आगामी भागात पाहायला मिळणार आहे.
