जगातील सुप्रसिद्ध व्यावसायिक मुकेश अंबानी व नीता अंबानी यांच्या धाकटा मुलगा अनंत अंबानी व सून राधिका मर्चंट यांच्या प्री-वेडिंग फंक्शनची बरीच चर्चा रंगलेली पाहायला मिळाली. सलग तीन दिवस सुरु असलेल्या या दिमाखदार सोहळ्याची सर्वत्र चर्चा सुरु होती. देश-विदेशातील अनेक दिग्गज मंडळींनी या सोहळ्यासाठी खास सहभाग घेतला. या खास प्रसंगी संपूर्ण बॉलीवूड विश्वातील कलाकार मंडळी जामनगरमध्ये पोहोचले होते. दरम्यान चित्रपट निर्माता करण जोहर या सोहळ्यापासून गायब असल्याचं चित्र दिसलं. करण जोहर पार्टीला का गेला नाही?, हा प्रश्न साऱ्या नेटकऱ्यांना पडला होता. (Anant Ambani-Radhika Merchant Pre Wedding)
आता करण जोहर पार्टीला का गेला नाही यामागचे कारण समोर आले आहे. करण जोहरने अंबानींच्या प्री-वेडिंग सोहळयाला का हजेरी लावली नाही. ‘इंडिया टुडे’ने याबाबची माहिती दिली आहे. अनंत व राधिकाच्या प्री-वेडिंग फंक्शनला उपस्थित राहण्यासाठी चित्रपट निर्माता करण जोहरने पूर्ण तयारी केली असल्याचे एका सूत्राकडून समोर आले आहे. मात्र त्यानंतर अचानक त्याची प्रकृती खालावली आणि त्याला घरीच राहावे लागले. करणला व्हायरल ताप होता आणि त्याच्या घशातही खूप दुखत होते, अशी माहितीही सूत्रांकडून समोर आली आहे.
प्रकृती ठीक नसल्याने अखेरच्या क्षणी त्याला आपला प्लॅन रद्द करावा लागला. करणही त्याचा जवळचा मित्र मनीष मल्होत्राबरोबर संगीत सेरेमनीमध्ये परफॉर्म करणार होता. रिपोर्ट्सनुसार, करणने फोनवरच राधिका व अनंतचे अभिनंदन केले होते. करणने त्याच्या इंस्टाग्राम अकाऊंटवर राधिका व अनंतचा एक सुंदर व्हिडीओही पोस्ट केला होता. हा व्हिडीओ शेअर करत त्याने म्हटलं की, “मला अनंत व राधिकाचे मनापासून अभिनंदन करायचे आहे. या उत्सवात केवळ कौटुंबिक बंधच दिसत नव्हते तर भारताची सुंदर संस्कृतीही पाहायला मिळाली”, असं तो म्हणाला.
करण जोहर हा मनीष मल्होत्रासह या सोहळ्यामध्ये परफॉर्म करणार होता. मात्र अचानक येण्याचे रद्द झाल्याने मनीषने बॉलीवूडच्या अभिनेत्रींसह एकट्याने परफॉर्म केले. अनन्या पांडे, जान्हवी कपूर, सारा अली खान व खुशी कपूर यांच्यासह ‘कभी खुशी कभी गम’ चित्रपटातील ‘बोले चुडिया’ या गाण्यावर तो थिरकताना दिसला. त्यांचा हा डान्स व्हिडीओ सोशल मीडियावर चांगलाच व्हायरल झाला.
