Nikhil Chavan Anushka Sarkate Wedding : सिनेसृष्टीतील लोकप्रिय अभिनेता निखिल चव्हाण आणि अभिनेत्री अनुष्का सरकटे यांच्या लग्नाची धामधूम सुरू आहे. गेल्या दोन दिवसांपासून त्यांच्या लग्नापुर्वीच्या विधींना सुरुवात झाली असून याची झलक सोशल मिडियावर पाहायला मिळत आहे. एकामागोमाग एक कलाकार मंडळी विवाहबंधनात अडकत असताना अभिनेता निखिल चव्हाण आणि अभिनेत्री अनुष्का सरकटे यांच्या लग्नाची धामधूम सुरु आहे. काही वेळातच ही जोडी विवाहबंधनात अडकणार आहे. दोन दिवसापासून निखिल व अनुष्का यांच्या लग्नाआधीच्या विधींचे अनेक फोटो, व्हिडीओ सोशल मीडियावर धुमाकूळ घालत होते. अखेर आज ही जोडी लगीनगाठ बांधताना दिसणार आहे.
निखिल व अनुष्काच्या मेहंदी, हळदी समारंभाचे अनेक फोटो समोर आले. कुटुंबीय, जवळचे नातेवाईक व कलाक्षेत्रातील मित्रपरिवाराच्या उपस्थितीत त्यांच्या हळदीचा कार्यक्रम थाटामाटात संपन्न झाला. अखेर आता निखिल व अनुष्का विवाहबंधनात अडकण्यास सज्ज झाले आहेत. नुकताच निखिल व अनुष्काच्या लग्नाच्या सजलेल्या मंडपाचा फोटो समोर आला आहे. निसर्गरम्य वातावरणात अगदी शाही थाटामाटात त्यांचा विवाहसोहळा संपन्न होणार आहे. छत्रपती संभाजीनगर येथील एका रिसॉर्टमध्ये त्यांचा विवाहसोहळा उरकणार आहे. अजंता अँबेसेडॉर येथे निखिल व अनुष्काच लग्न होणार आहे.
आणखी वाचा – निखिल-अनुष्का हळदीत बेभान होऊन नाचले, मराठी कलाकारांचाही तुफान राडा, व्हिडीओ व्हायरल
समोर आलेल्या लग्नमंडपाच्या झलकने साऱ्यांच्या भुवया उंचावल्या आहेत. अगदी राजेशाही थाटमाट यावेळी पाहायला मिळत आहे. फुलांचे तोरण, चार खांब असलेलं मोठं मंडप, फुलांची सप्तपदी असं सर्वच भव्य असल्याचं दिसत आहे. रेड आणि गोल्डन मंडप अशी या मंडपाची थीम आहे. साऊथ इंडियन वाईब देणार असं हे लग्नमंडप सजलं आहे.
