jui gadkari education : ‘ठरलं तर मग’ मालिका सुरु होऊन बराच काळ झाला असून या मालिकेने अल्पावधीतच रसिकांची मन जिंकली. टीआरपीच्या शर्यतीतही ही मालिका अव्वल स्थानावर असलेली पाहायला मिळते. आजवर या मालिकेने प्रेक्षकांच्या मनात घर केलं. मालिकेतील प्रत्येक पात्राने, कथानकाने एक वेगळीच जादू करत प्रसिद्धी मिळवली. या मालिकेतील सायलीचा म्हणजेच जुईचा खूप मोठा चहातावर्ग आहे. जुईने या मालिकेतून खऱ्या अर्थाने लोकप्रियता मिळाली. या मालिकेआधीही जुईने अनेक मालिकांमध्ये महत्त्वपूर्ण भूमिका साकारल्या. आणि जुईच्या प्रत्येक मालिकेने लोकप्रियता मिळवली.
सोशल मीडियावर जुई बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहते. अशातच जुईने शेअर केलेल्या एका पोस्टने साऱ्यांचं लक्ष वेधलं आहे. अभिनयाबरोबरच जुईने शिक्षण घेण्यास सुरुवात केली आहे. खऱ्या आयुष्यात जुई उच्च शिक्षित आहे. आणि आता ती आणखी एका विषयात मास्टर्स डिग्री संपादन करणार आहे. हा डिग्री घेण्यासाठीचा कोर्स तिने सुरु केला आहे. सेटवरच अभिनेत्री अभ्यास करताना दिसत आहे.
जुई आता मास्टर्स इन enterpreneurship या विषयात म्हणजेच उद्योजिकतामध्ये शिक्षण घेत आहे. नवीन सुरुवात असं कॅप्शन देत अभिनेत्रीने ही आनंदाची बातमी दिली. या स्टोरीला जुईने student life असा हॅशटॅग दिला आहे. जुई आता या विषयात पदवी संपादन करणर आहे. सेटवर बसून अभिनयाबरोबरच ती असाइनमेंट पूर्ण करताना दिसत आहे.
जुई गडकरीने आपलं पदवीपर्यंतच शिक्षण BMM Advertising मध्ये पूर्ण केलं आहे. यानंतर जुईने पदव्युत्तर पदवी Advertising And PR या विषयात संपादन केली. याशिवाय जुईने तिचा डिप्लोमा डिजिटल मार्केटिंग विषयात पूर्ण केला आहे. आता अभिनेत्री पुन्हा एकदा नवीन सुरुवात करत Master In Entrepreneurship हा कोर्स पूर्ण करणार आहे. अभिनय व शिक्षण या दोन्ही जबाबदाऱ्या जुई अगदी उत्तमरीत्या पेलवत आहे.
