Monika Dabade Daughter : ‘ठरलं तर मग’ मालिका गेली अनेक वर्षांपासून चर्चेत आहे. आणि ही मालिका लोकप्रिय अभिनेत्रींपैकी एक आहे. मालिकेतील सगळेच कलाकार नेहमीच कोणत्या ना कोणत्या कारणामुळे चर्चेत असलेले पाहायला मिळतात. या मालिकेतील अभिनेत्री मोनिका दाबाडे सोशल मीडियावर बऱ्यापैकी सक्रिय असलेली पाहायला मिळते. लेकीच्या जन्मानंतर तर ती लेकीला म्हणजेच वृंदाला घेऊन व्हिडीओ, रील शूट करताना दिसते. इतकंच नाहीतर मोनिका नवऱ्यासह बरेचदा खाण्याची वेगवेगळी ठिकाणं एक्स्प्लोर करताना दिसते. वृंदाला तर ती अगदी लहान असल्यापासून सेटवर घेऊन जाते. त्यामुळे सेटवर वृंदाचे बरेच लाड होताना पाहायला मिळतात.
आता तर मोनिकाने वृंदाचे बोरन्हाण थेट सेटवरच केले आहे. कामाच्या व्यस्ततेमुळे मोनिकाला तिच्या परिवारासोबत हा कार्यक्रम करता आला नाही त्यामुळेच तिने आपल्या मालिकेतल्या परिवारासह हा सोहळा साजरा केला असल्याचं व्लॉगमध्ये म्हटलं. यावेळी सेटवरचे सगळे कलाकार व इतर क्रू मेंबरही सहभागी झाले होते. मोनिकाने आपल्या लेकीला हलव्याचे दागिने घालून नटवलं होतं.
बोरन्हाणसाठी आजीचे कर्तव्य अभिनेत्री प्राजक्ता दिघे यांनी पार पाडले. यावेळी त्यांनीही काळ्या रंगाची साडी आणि हलव्याचे दागिने परिधान केले होते. तर मावशी म्हणून जुई आणि प्रियांका यांनी चुरमुरे आणि बोरांचा वर्षाव करत जबाबदारी सांभाळली. . मोनिकाने व्लॉगमध्ये ‘ठरलं तर मग’ मालिकेच्या प्रॉडक्शनचे आभार मानले. त्यांनी तिला सेटवर आपल्या लेकीचे बोरन्हाण कार्यक्रम करण्याची परवानगी दिली. त्यासाठी लागेल ती मदतही केली.
आणखी वाचा – “त्याला कसलंच व्यसन नाही”, गेल्या तीन वर्षांपासून लिव्हइनमध्ये राहते राधा पाटील, म्हणाली, “आमचा बेडरुम…”
सध्या मालिकेत मोनिकाचा महत्त्वाचा ट्रॅक चालू असल्यामुळे तिला सुट्टी मिळणं मुश्किल होतं. तिचे कुटुंब पुण्यात राहत असल्यामुळे तिला तिथे जाणे शक्य नसल्याने सेटवरच हा घाट घातला, असल्याचं तिने व्हिडीओमध्ये सांगितलं. मालिकेत कितीही खटके उडत असले तरी ऑफस्क्रीन सगळे एकत्र किती छान राहतात हे या व्हिडीओद्वारे पाहायला मिळालं आहे.
