actress sonarika bhadoria pregnant : ‘देवों के देव महादेव’ फेम अभिनेत्री सोनारिका भदौरिया, हिने मालिकेत देवी पार्वतीची भूमिका साकारली होती, अभिनेत्रीने फेब्रुवारी २०२४ मध्ये लग्न केले. या जोडप्याने राजस्थानच्या रणथांबोर येथील नारगड पॅलेस येथे एका भव्य आणि शाही सोहळ्यात सात फेरे घेतले. आता लग्नाच्या सुमारे दीड वर्षानंतर, अभिनेत्रीने चाहत्यांसह आनंदाची बातमी शेअर केली आहे. अभिनेत्री लवकरच आई होणार असल्याचं समोर आलं आहे. सोनालीकाने व्यावसायिक विकास पाराशरशी लग्न केले. आता हे जोडपे लवकरच पालक बनणार आहे. तिने इन्स्टाग्रामवर गोंडस पोस्टद्वारे गरोदर असल्याचे जाहीर केले आहे.
१४ सप्टेंबर रोजी, सोनारिकाने तिच्या इन्स्टाग्राम पोस्टद्वारे बेबीबंप दाखवत पांढऱ्या लेस बॉडीकॉन ड्रेसमध्ये ट्विनिंग करताना फोटो शेअर केले आहेत. “आमचे आतापर्यंतचे सर्वात मोठे साहस” असे कॅप्शन तिने या पोस्टसह दिले आहे. अभिनेत्रीने आनंदाची बातमी दिल्याने, सोनारिकाचे चाहते खूप उत्साही आहेत आणि ते तिचे अभिनंदन करीत आहेत.
आणखी वाचा – दिवसाढवळ्या प्रायव्हेट पार्ट दाखविला अन्…; बॉलिवूडच्या सुप्रसिद्ध अभिनेत्रीसह वाईट कृत्य, परदेशात घडली घटना
सोनारिकाने एका मुलाखतीत खुलासा केला की, २०२४ मध्ये विकासशी लग्न करण्यापूर्वी तिने सात वर्ष त्यांना डेट केले. लग्नानंतर इटाइम्सशी बोलताना ते म्हणाले, “आम्ही याबद्दल अनेकदा बोलत राहतो, जेणेकरुन आम्हाला असे वाटू नये की आम्ही विवाहित आहोत. ही भावना अजून आलेली नाही. मला वाटते की आम्हाला ते अजून कळलेले नाही, आम्ही इतके दिवस एकत्र आहोत. एके दिवशी मी माझ्या मावशीच्या घरी जेवायला गेले होते आणि माझी मावशी म्हणाली की तुम्हा दोघांना पाहून असे वाटत नाही की तुम्ही विवाहित जोडपे आहात. मी आनंदी आहे आणि आशा आहे की हे असेच चालू राहील”.
आणखी वाचा – बसमध्ये भेट, घरच्यांचा विरोध अन…; १६ वर्षांच्या सुखी संसाराबाबत बोलले गिरीश ओक, पत्नीसह असं जुळलं की…
सोनारिका आणि विकासची भेट जिममध्ये झाली. विकास सोनारिकाच्या भावाचा मित्र होता. येथूनच त्यांचे नाते सुरु झाले. सोनारिका भदोरियाने २०११ मध्ये ‘तुम देना साथ मेरा’ या कार्यक्रमासह दूरदर्शनवर काम सुरु केले. पण ‘देवों के देव … महादेव’ या कार्यक्रमात देवी पार्वतीच्या व्यक्तिरेखेने तिला खूप लोकप्रियता मिळाली. तिच्या चेहऱ्यावरील निरागसतेने प्रेक्षकांना खूप आकर्षित केले.
