KRK Congratulates Hina Khan : ‘ये रिश्ता क्या कहलाता है’ फेम अभिनेत्री हिना खान आजकाल चर्चेत आली आहे. अभिनेत्रीच्या चर्चेत येण्याचं कारण म्हणजे लग्न. १३ वर्ष एकमेकांना डेट केल्यानंतर हिना खान तिचा प्रियकर रॉकी जयस्वालशी लग्नबंधनात अडकली. हिना खानने नोंदणी पद्धतीने तिचा लग्नसोहळा उरकला. तिने आपल्या लग्नाचे फोटो सोशल मीडियावर शेअर करत ही आनंदाची बातमी दिली. लग्नावेळी हिना खानने मनीष मल्होत्रा यांनी डिझाईन केलेली साडी नेसली होती. तिच्या हातावरील सुंदर मेहंदी आणि तिचा हटके लूक नवऱ्या मुलीच्या रुपात भर घालत होते.
हिना खानचा ब्राइडल लूक बर्‍यापैकी व्हायरल होता. हिनाच्या लग्नाबद्दल सर्वत्र चर्चा सुरु आहे. प्रत्येकजण तिचे अभिनंदन करीत आहेत. लग्नानंतर हिना आणि रॉकीने एक फोटो शेअर केला आहे. या फोटोमध्ये हिना आणि रॉकीच्या कपाळावर टिळा दिसत आहे. फोटो शेअर केल्यानंतर केआरकेने सनातन धर्म स्वीकारल्याबद्दल हिना खानचे अभिनंदन केलेलं आहे. हिना खान ही मुस्लिम कुटुंबातील मुलगी आहे. तर रॉकी जयस्वाल हा हिंदू कुटुंबातील आहे. लग्नानंतर आता हिनाने सनातन धर्म स्वीकारला असल्याच्या चर्चा त्या फोटोवरुन रंगल्या आहेत.
आणखी वाचा – आजारपणातही ‘ठरलं तर मग’ फेम जुई गडकरी करतेय शूट, नेहमी सलाईन लावते अन्…; स्वतःच सांगितली परिस्थिती
Hina Khan Ko Sanatan Dharma Apnaane Ke Liye Badhai.👏 pic.twitter.com/k3CoKdqmBN
— KRK (@kamaalrkhan) June 8, 2025
हिना खान स्तनाच्या कर्करोगाने झगडत आहे. तिने सोशल मीडियावर कर्करोगाबद्दल माहिती दिली. तेव्हापासून, ती सतत कर्करोगाच्या लढाईचा प्रवास शेअर करीत आहे. या लढाईत हिनाने अजिबात धैर्य गमावले नाही. तिचा नवरा रॉकी जयस्वालने या कठीण काळात हिनाला पूर्णपणे साथ दिली. रॉकी नेहमीच तिच्याबरोबर राहिला. जेव्हा हिनाने आपले केस कापले तेव्हा रॉकीनेही स्वतःचे केस कापले.
हिना आणि रॉकी ‘ये रिश्ता क्या केहलता है’च्या सेटवर एकमेकांना भेटले. तेव्हापासून दोघेही एकत्र आहेत. चाहत्यांना दोघांची जोडी आवडते. हिना खान बर्‍याचदा रॉकीला भेटायला जात असत. त्यांचे फिरतानाचे अनेक फोटो व्हायरल होतात. आता हिना आणि रॉकी लग्नामुळे चर्चेत आहेत. लग्नानंतर कोणताही ब्रेक न घेता अभिनेत्री कामावर परतली. आजारपण आणि तिने घेतलेला हा लग्नाचा निर्णय पाहता चाहतेमंडळी तिच्यावर शुभेच्छांचा वर्षाव करत आहेत.
