dilip joshi weight loss : ‘तारक मेहता का उल्टा चश्मा’ या लोकप्रिय शोने रसिकांच्या मनात घर केलं. गेली अनेक वर्ष हा शो अविरतपणे प्रेक्षकांचं मनोरंजन करत आहे. या शोमधील सर्वच पात्रांनी स्वतःची अशी ओळख निर्माण केली आहे. या शोमधील नेहमीच चर्चेत असणारं आणि लोकप्रिय पात्र म्हणजे जेठालाल. जेठालाल ही भूमिका मालिकेत अभिनेते दिलीप जोशी साकारत आहेत. या भूमिकेतून ते अगदी मालिकेच्या पहिल्या दिवसापासून समोर आले आहेत. मालिकेत जेठालाल फिटनेसची जराही आवड नसलेले, नेहमीच जिलेबी,फाफडा आणि अन्य बाहेरचे पदार्थ खाणारे आहेत, मात्र खऱ्या आयुष्यात एका भूमिकेसाठी दिलीप यांनी कठोर मेहनत घेत तब्बल १६ किलो वजन कमी केले.
दिलीप जोशी यांनी चक्क दीड महिन्यात १६ किलो वजन कमी केले आणि साऱ्यांना आश्चर्यचकित केले. अभिनेत्याने याबाबत प्रेक्षकांना, चाहत्यांना सांगितले की, त्याने त्याचे वजन कसे कमी केले. त्यांनी ३३ वर्षांपूर्वी गुजराती चित्रपटासाठी हा पराक्रम केला. २०२३ मध्ये दिलेल्या एका मुलाखतीत त्याने वजन कमी कसे झाले याबद्दल सांगितले आहे.
दिलीप जोशीने ‘मैशेबल इंडिया’ ला सांगितले होते की, ते कामावर जात असत. स्विमिंग क्लबमध्ये कपडे बदलायचे आणि पावसात मरीन ड्राईव्ह पासून ओबेरॉय हॉटेलमध्ये पळायचे. दिलीप जोशी यांच्या म्हणण्यानुसार, ते संपूर्ण रस्त्यावर जॉगिंग करत असत आणि यासाठी त्यांना ४५ मिनिटे लागत. अशाप्रकारे, दिलीप जोशी यांनी दीड महिन्यांत म्हणजेच ४५ दिवसांत १६ किलो वजन कमी केले. १९९२ मध्ये आलेल्या ‘हुन हुंशी हंशीलाल’ या गुजराती चित्रपटात त्यांना एका विशिष्ट साच्यात दिसायचे होते म्हणून भूमिकेच्या आवश्यकतेनुसार त्यांनी त्यांचे वजन कमी केले.
आणखी वाचा – शेफाली जरीवालाच्या मृत्यूनंतर स्वतःला सावरणं पतीला झालंय कठीण, डोळ्यात पाणी आणणारी पोस्ट समोर, म्हणाला…
दिलीप जोशी यांच्या कारकीर्दीबद्दल बोलताना त्यांनी बॅकस्टेज कलाकार म्हणून आपल्या कारकिर्दीची सुरुवात केली. मग त्यांना भूमिकेसाठी ५० रुपये मिळायचे. गुजराती चित्रपटांव्यतिरिक्त त्यांनी हिंदी चित्रपटांमध्येही काम केले. तो ‘मैंने प्यार किया’ आणि ‘हम आपके हैं कौन’ सारख्या चित्रपटात ते छोट्या भूमिकेतून मोठ्या पडद्यावर दिसले. २००८ मध्ये दिलीप जोशी यांना ‘तारक मेहता का उल्टा चश्मा’ची ऑफर देण्यात आली आणि जेठालालच्या पात्राने त्याचे आयुष्य बदलले. या भूमिकेसह दिलीप जोशी घराघरांत प्रसिद्ध झाले. जेठालालच्या भूमिकेसाठी दिलीप जोशीने आपल्या कारकीर्दीत अनेक पुरस्कार जिंकले. अहवालानुसार, दिलीप जोशीची संपत्ती सुमारे ४७ कोटी रुपये असल्याचे म्हटले जाते. सन २०२३ मध्ये, त्याच्या किंमतीत १३५ % वाढ झाली.
