सध्या सिनेसृष्टीत लगीनघाई सुरु असलेली पाहायला मिळत आहे. एकामागोमाग एक कलाकार मंडळी लग्नबंधनात अडकत असल्याचं पाहायला मिळत आहे. काही दिवसांपूर्वीच रकुल प्रीत सिंह व जॅकी भगनानी यांचा शाही विवाहसोहळा पार पडला. रकुल व जॅकी यांच्या लग्नानंतर आता बॉलिवूडमधील आणखी एक लोकप्रिय अभिनेत्री विवाहबंधनात अडकण्यास सज्ज झाली आहे. अभिनेत्री तापसी पन्नूही तिच्या लग्नाच्या तयारीला लागली असल्याची बातमी समोर आली आहे. (Taapsee Pannu Wedding)
तापसीच्या लग्नासंबंधित काही अपडेट समोर आले आहेत. समोर आलेल्या अपडेटमध्ये अभिनेत्री कुठे लग्न करणार याचा खुलासा केला आहे. लवकरच अभिनेत्री तापसी पन्नू तिचा बॉयफ्रेंड व बॅडमिंटनपटू मॅथियास बो याच्यासह लग्नबंधनात अडकणार आहे. दोघेही यावर्षी मार्चमध्ये विवाहबंधनात अडकणार असल्याचे वृत्त समोर आलं आहे. त्यांच्या लग्नाला फक्त तापसी व मथियाचे कुटुंबीय उपस्थित राहणार आहेत. समोर आलेल्या वृत्तानुसार, बॉलिवूड सेलिब्रिटींना त्यांच्या लग्नासाठी अद्याप आमंत्रित करण्यात आलेले नाही. तापसीचे लग्न शीख व ख्रिश्चन रितीरिवाजानुसार होणार आहे.
मीडिया रिपोर्ट्सनुसार, तापसी तिच्या बॉयफ्रेंडसह सुमारे १० वर्षांपासून रिलेशनशिपमध्ये आहे आणि आता त्यांनी २०२४मध्ये लग्न करण्याचा निर्णय घेतला आहे. समोर आलेल्या वृत्तानुसार तापसीने तिच्या लग्नासाठी राजस्थानची निवड केली आहे. राजस्थान येथे शाही पद्धतीने त्यांचं लग्न होणार असल्याची चर्चा आहे. यापूर्वी प्रियांका चोप्रा, परिणीती चोप्रा, कतरिना कैफ व कियारा अडवाणी या अभिनेत्रींनीही त्यांच्या लग्नासाठी राजस्थानची निवड केली होती.
अद्याप तापसीकडून लग्नाबाबत कोणतीही अधिकृत माहिती समोर आलेली नाही. तापसीने तिच्या प्रियकराबरोबरचे नाते कधीच लपवले नाही उलट ती प्रत्येकवेळी त्याच्याबरोबरचे खास फोटो सोशल मीडियावरून पोस्ट करत असते. तापसी पन्नू ही केवळ हिंदीच नाही तर तेलुगू व तमिळ चित्रपटसृष्टीतीलही प्रसिद्ध चेहरा आहे. अभिनेत्रीने मॉडेलिंगपासून तिच्या अभिनयाची सुरुवात केली होती. तापसीने ‘जुडवा 2’, ‘बदला’, ‘नाम शबाना’, ‘पिंक’ व ‘शाबाश मिठू’ यांसारख्या अनेक चित्रपटांमध्ये काम केले आहे.
